隨著防疫放寬，大型婚宴聚餐可以去到二百四十人，再加上影相唔使戴口罩，又可以唱歌跳舞，喜宴活動即時生返晒。前年去年今年已註冊的新人，紛紛補辦喜酒。加上出年為好年，相信又會有不少年輕愛侶衝閘。
所以近期部分受歡迎的婚宴酒店及場地，「卜」到爆晒，要分早、晚兩場做，一於大賺特賺，豬籠入水。
相連之下，婚禮服務的行業，包括樂隊、婚紗、化妝、攝影……全部大旺特旺。
究竟結一次婚要花幾多錢呢？老老實實，多數失晒預算。因為初初拍拖時，不少人，包括長輩都會扮晒瀟灑，揚言冇所謂：「尊重年輕人決定啦，喜歡擺咪擺囉，唔擺去 度蜜月也可，毋須搵埋 無無謂謂錢去使啦，又要煩親友。」
好 ，到「入直路」談婚論嫁時，你會發覺長輩多慢慢轉 ：「 就咁，大搞就唔使 ，親戚食餐飯，點都要 ，費事畀人怪責話唔通知啦。」
到真正訂場地時，哈哈，你就想「求求其其」搞，突然好多聲音話：「一生人一次，點都要做到好好睇睇 。」於是乎小弟當年已有句口頭禪——結婚等於破產！
婚姻支出龐大外，當然最好自己租樓住，免出現「相見好同住難」啦。加加埋埋，怎不「破產」？
幸而結婚有人情收，幫補多少，不至「出血失救」。
講到人情，大家都知有公價。最新婚訊媒體公布，由基本的午間婚宴到上酒樓、私人會所、酒店及高級酒店，公布指為八百元至一千五百大元。準唔準呢？
就小弟所知，唔係完全唔準，但偏低 。今時今日做人情，出手已好少在一千元以下。尤其略有交情的，一千五百元至二千元是基本盤。
若用此作平均計，近月至未來一年，有兩個年齡層會「重傷」。第一個為二十五到三十五，即同輩多於此階段成家立室，加加埋埋過萬元冇走雞。初出社會工作者，咪話唔杰。
另一年齡層，為五十五到七十。全部老友排隊做老爺外父也，出手也不能輕。
不過，喜事來的，大家一於笑住畀可也。
