王秀琳「霸王硬上芒」後淡出娛樂圈轉戰飲食界兼潛心向佛勁有仙氣

2022-11-03 21:30:00

亞視經典劇集《我和殭屍有個約會》系列最近在網上Disney+上架，當年第一輯《我和殭屍有個約會》在1998年推出，劇集推出後，竟然受到觀眾歡迎，更被封為一代神劇，其後分別在2000年播映《我和殭屍有個約會II》以及2004年播映《我和殭屍有個約會III之永恆國度》，依然叫好又叫座，今次能夠一次過睇晒，當然掀起不少回憶！

在《我和殭屍有個約會III之永恆國度》內，發現了不少熟悉的面孔，其中一人就是歌手出身的王秀琳（Mango），當年Mango的戀事多蘿蘿，曾經在2009年與郭富城傳出緋聞，到了2017年又與霍震寰孻仔霍啟文被影到同Mango拍拖，可惜這段姊弟戀最終未修成正果，不過最轟動的事，就是拍攝《我III》期間，聲稱被男主角尹天照非禮，雖然事件後很快平息下來，不過Mango亦因這段事淡出了娛樂圈，轉戰飲食界發展，即將43歲的Mango依然keep得好好，工作之餘亦潛心向佛，生活過得相當富泰！

【點擊睇Mango靚相】：

細細個已經係小美人。

王秀琳當年係以歌手身份出道。

Mango初入行拍廣告為主，試過啤酒賀年廣告飾演「八姑姐」，之後做歌手又出過三張專輯又拍電視劇同電影。

不過因為緋聞太多，對星途有一定的影響。

樣子甜美。

雖然有唔少機會，不過王秀琳似乎未有太珍惜。

同馮德倫合作拍電影，當時係做佢妹妹。

《賭俠2002》

喺《賭俠2002》同張家輝都有對手戲。

演出機會都算多。

參與過不少電影之演出。

同李蘢怡齊齊出席活動。

王秀琳都有份參與。

當年Mango拍攝《我和殭屍有個約會3永恆國度》，聲稱被男主角尹天照非禮，尹天照否認並表示願意與Mango當面對質。

開記者會講番成件事。

不過Mango並沒有因為非禮事件而獲得同情，反而形象變得更差。

雖然Mango有報警，但最後警方表示不予起訴，事件就此告一段落。

尹天照事後否認並表示願意與Mango當面對質，又雙手發誓表示自己清白，之後更直斥對方想借他提高知名度。

事隔多年，Mango之後為潘紹聰的網上節目擔任嘉賓，重提非禮事件經過：「嗰次係我第一次接觸呢位『男主角』，話收工一齊去食飯，就一齊去食消夜，食完飯佢話住將軍澳，順路兜埋我，就成個人好快咁擒上我身上，唔係誇張，唔好話發毒誓，總之我唔會講大話，我係要求佢放我走，佢好大力壓落嚟，我係咁喊，求佢放我走，真係喊到唔敢返屋企，只搵一位好姊妹講，之後又返公司繼續開工，點知位『男主角』當冇事發生，我嗰刻真係好想殺咗佢！」