獨家丨JW讚朱敏瀚EQ超高 電話畀陳瀅拋落海冇發嬲

JW(王灝兒)和朱敏瀚(朱仔)最近齊挑戰演古裝劇《痞子殿下》,兩人坦承外形關係冇想過有得拍古裝,JW更爆朱仔一度對她完全冇信心。兩人又指跟陳瀅及周嘉洛合作後變知己,已跟監製傾開續集。而早前四人出海玩,陳瀅意外拋了朱仔電話落海,但朱仔竟然冇發脾氣,獲JW大讚超高EQ。採訪杜 攝影:羅安強 髮型:[email protected] salon(朱仔) 化妝:Chloe Yu(朱仔) 服裝:brooksbrothers

JW和朱仔高度雖然差一截,但演情侶一樣襯到。

JW曾表示簽TVB其中一個目標是拍劇,但她估不到會拍到古裝,「好多謝珍姐畀呢個機會,冇佢應該冇乜人會考慮我哋兩個拍古裝,我哋個樣係比較難。」朱仔自2011年在《洪武三十二》做過馬德鐘少年版後,都未試過拍古裝,「我連跑龍套都冇,以為自己同呢件事無緣。」

JW爆朱仔最初對她演出冇信心,但後來兩人變得合拍。

朱仔JW演出冇信心

不過JW竟然大爆最初朱仔對她完全冇信心,「我第一次見佢係圍讀時,佢係比較cool,個表情好似係『我都唔知你得唔得』咁嘅感覺,但係有禮貌嘅。」朱仔聽到尷尬話,「我有個咁嘅感覺喺個心入面,哈哈!但係佢好快將呢個隔膜打破咗,由圍讀、訓練、吊威吔,到拍咗一、兩日,佢完全將我對佢係歌手嘅印象推返晒,我都即刻同佢講,佢好應該將呢一面騷畀大家睇,大家會好鍾意,佢對每件事都好認真,對每個人都一視同仁,係我哋呢班人入面好重要嘅靈魂或者開心果。」

JW和朱仔都話估唔到,會跟陳瀅和周嘉洛能極速變好友。

 

JW和朱仔笑指,現在出海都想畀部電話陳瀅,因可換新款電話。

朱仔和JW解釋因跟陳瀅和周嘉洛都是古裝新丁,大家同甘共苦變成知己,私底下更不時相約出遊。而陳瀅更跟本刊透露早前去玩時,遺失了朱仔好重要物品,他反應證明品一流。見記者提此事兩人勁興奮,朱仔說:「佢同你講呀,咁我講啦!我呢部電話係佢送嘅。」原來四人一齊出海玩直立板時,陳瀅幫朱仔影完畀返個電話他時,竟然拋跌落海,但朱仔冷靜反應令JW大感驚訝,「如果陳瀅係跌咗我部電話,我唔會原諒佢,就算佢買過部新電話畀我,我好多嘢冇backup,唔見咗係會發癲,但係佢『唔緊要,由得佢啦!」好高EQ。」

JW和朱仔笑指,現在出海都想畀部電話陳瀅,因可換新款電話。

 

朱仔坦言情緒已在演戲時發洩出來,所以連跟余思霆分手都冇嗌交。

 

朱仔在劇中大騷胸肌,他透露10月開新劇又要再露。

 

朱仔爆肌令陳瀅流晒口水。

 

 

即時娛樂