獨家丨蘇麗珊唔排除有BB先結婚 梁雍婷想化身岑珈其勁溝女

蘇麗珊(Cecilia)和梁雍婷(Rachel)近日在電影《緣路山旮旯》中合作,分別飾演對男主角岑珈其欲拒還迎的「A Lee」和拜金女「Mena」,兩人都話同角色唔多似,不過大讚角色好玩,Rachel更搞笑謂想化身珈其溝晒全部女拍檔。電影探討香港土地問題,兩人都承認確實有影響到感情生活,而被睇好最快結婚的Cecilia,講明好想生BB,更唔排除到時先結婚。採訪杜 攝影:譚志光 髮型:Sing [email protected](Cecilia)Oscar [email protected] ALCHEMY hair(Rachel) 化妝:[email protected] G Chan Make Up Centre(Cecilia)Deep Choi(Rachel)  Whistles(Cecilia)alice + oliviaDe Beers(Rachel)

Rachel和Cecilia在《緣路山旮旯》中角色,兩人都覺得好好玩。

 

Cecilia謂跟男友感情穩定,跟對方家人關係亦不錯。

 

Rachel認為一段關係開心就好,不一定靠婚姻維繫。

CeciliaRachel都覺得今次角色好好玩,Cecilia笑指平時不似角色會吊男人癮,但因曾經住在上水,所以如果對對方沒好感,也不會讓對方送返屋企,「嗰時真係住得太遠,出親嚟都要預一個鐘以上,都唔好意思叫人哋送,一來一回都要兩個幾鐘嘛!同埋畀得佢送返屋企,其實都係代表咗啲嘢啦!」

Cecilia戲中飾演對男主角岑珈其欲拒還迎的「A Lee」。

 

電影中,Rachel演巴辣拜金女「Mena」。

角色講Rachel手車好辣,但現實她唔識得揸車。

反差大過戲癮

Rachel話今次演同自己反差好大的角色,可以過足戲癮,「我本身唔係咁物質主義,同埋角色手車好辣,我其實係唔識揸車,所以角色同自己有好多方面都唔同,咁樣反而特別好玩,我仲專登睇朋友揸車去模仿,有啲位就唔到先至搵替身演。」原來連Cecilia都恨演Rachel的角色,「我哋幾個女主角都討論過,個個都最想演佢呢個角色,因為好好玩,又可以鬧爆岑珈其喎!」不過畀Rachel有得選擇,她竟然會揀岑珈其演的「阿厚」,「可以追晒咁多個女仔喎!?家冇所謂,唔一定要男仔先可以追女仔㗎嘛!」

戲中岑珈其跟5個女主角都有感情戲,當中包括Rachel。

 

對結婚和生BB都冇興趣的Rachel,寧願花心思照顧狗狗。

對婚姻沒憧憬

談到土地問題,CeciliaRachel都承認難免會影響感情生活,身邊朋友好多更因住屋問題,搞到結婚計劃被打亂。跟圈外男友拍拖多時的Rachel話,認為拍拖唔一定要結婚,但若然同居都會要求跟家人住得近,「我本身住香港仔,拍拖嘅時候住得遠,真係冇乜所謂,但如果同居嘅時候,我都想住返近啲香港仔,因為有時想返屋企探屋企人,都唔使去咁遠。」講到戲中幾位未婚女演員中,大家都睇好跟圈外男友不時放閃的Cecilia最早出嫁,她就笑言近期已少了放閃,但講到結婚,她坦承可能成長在單親家庭,對婚姻沒有太多憧憬,反而好想生小朋友,「結婚真係完全冇計劃,因為唔覺得一定要結婚,但我好鍾意小朋友,不過暫時仲有好多嘢想做,如果我做得媽咪唔會想分心,所以短期內都唔會諗住,或者到想生BB先諗結婚囉!」

跟圈外男友Kenny感情穩定的Cecilia,笑言最近很少放閃。

 

Cecilia見到好姐妹湯怡B女咁得意,令她更加恨生BB。

 

 

即時娛樂