(曾智華)
前晚老友飯聚，其中有位拉我問：「喂，碌Sir，阿叻話佢主持完無記新節目《答得快好世界》後，就告別演藝工作喎，你估係咪真？」
「騎騎，呢段消息來自娛樂版喎。正如前電視台宣傳高手黎文卓名言：娛樂新聞乃著名當鋪——信義盛（信二成）。更何況來自最喜歡搞笑的阿叻口？佢唔咁講，乜有得見報呀？」
之後，睇清楚段新聞點寫。果然，阿叻在訪問末段立即兜底：「若將來有人搵我，都可能亮相做嘉賓 。未來職業，可能會唱歌，到時話唔定返轉頭拯救樂壇 ！」
阿叻老練到爆，面對「未戒奶」記者仔，真係可以當對方泥公仔咁玩，先搓圓，再撳扁！
藝人講 ，不必太認真對待，不單止係阿叻，其他天王巨星也一樣。尤其揚言話「退休」的，真係十之八九都稍後搵個藉口「復出」。復出完一次，即變以後都「復出」了。
最多鮮明例子為上世紀八十年代尾，中英為香港前途談判，香港人移民，立即成為潮流。咁處身潮流最前 的明星唔走，咪變好落後？於是紛紛加入「移民潮」，個個揚言封咪退休，到加拿大過「寧靜新生活」。
後來，再加上譚詠麟一九八七年宣布不再 獎，暗示：「我唔玩 ，哈哈，你 玩埋佢啦！」
此一突然公布，刺激不少歌星也「唔 獎」，以免被揶揄「阿倫唔 我先有獎」的尷尬情況。
唔 獎潮後，跟住出現就是封咪潮。你封我又封，突然成巨星「身分象徵」。不過，個個精甩辮，封之前先到紅館「執會」，以封咪名義，一做幾十場，個別更喊晒話「告別舞台」。
豈料……你知我知大家知，短則一兩年，長則三五年，全部復出，不再封咪了。
紛紛復出後，有位電台主持義正詞嚴在節目話：「用封咪來谷演唱會門票，大收特收，三年之後即復出，咁個封咪演唱會咪有欺騙消費者之嫌？可以去消委會投訴喎！」
結果主持慘被巨星粉絲罵個狗血淋頭，公理何在呢？
