（曾智華）
周三跑馬，相信所有馬迷在第一場過後，都窒 一窒，因大會宣布莫雷拉未能策騎餘下賽事。投注，輸錢事小，人命關天。所以，電視旁述者，當然會提及下注拉叔「騎師王」的所有注碼，全部得個桔。但大家更關心，究竟佢因乜事唔騎得，但現場未有公布。
當下我立即翻睇巡邏影片，發覺拉叔沿途真係有點不妥，尤其上大石鼓時，手部力度明顯不足。到轉彎入直路，也未能強攻衝刺，但睇馬，好似「有」，但人就「冇」，尤其最後五十米。
立即WhatsApp馬會老友問發生乜事？騎師一如所有掌握權力公眾人物，負有重大「公共責任」，故若身體有問題，不能似普通人般有私隱。
老友回應：「莫雷拉匯報心臟跳得好犀利，故立即見駐場醫生，為安全起見，決定指令佢停止策騎，再送醫院做徹底檢查。騎師陣上拼搏時極度高速，非常危險，完全不可冒險！」
其實騎師一如所有球星，出賽時腎上腺素大量分泌，心跳隨之加速，乃正常現象，當事人完全感受到。不過，若佢發覺心跳快到不尋常時，就等於有出事危險，必須先停賽，否則，隨時生命不保。
今天的賽事報名時，拉叔本有甚多實力坐騎，隨時大殺三方。不過 遵守命運安排先啦！
周三賽事另可一提的，是田泰安被嘲笑為「跌鞭田雞」。因佢作為經驗豐富大師傅，實在唔多掂，成日跌鞭，季內已第七次，遠遠渣過牌仔，故被重罰二萬元。有資深馬迷搞笑：「睇 田雞要多多補身 ，連 條鞭都冇力，真羞家！」
搞笑完，今日仍要捧田雞！
羅富全奮力衝冠，為免畀人笑佢靠師傅讓路，季尾狂搏。今日出七隻，不少牌面馬。
我獨喜歡兩隻田雞坐騎：「揚揚大道」，三歲馬，未W過，但對上兩場千四米皆跑第四，近 ！W、P兼投！另一匹為「幸運傳奇」，泥地專才，今季未有W交代，備戰時彈泥閘大勝三個幾馬位，周身火，應該起筷 ！
