曾智華
凡到潮州店食滷水拼盤，必會跟一碟蒜蓉醋，一點，就可提升滷水鵝的靈魂，呢\u5413化學作用，唔知由邊個發明，總之就好掂，冇佢即變唔多掂。
上周大隊老友殺去土瓜灣「四點金」開餐，當然是滷水大拼盤先行。上菜之前，潮州大兄「班長和」紮行個馬，要求服務員先提供幾味\u5622，包括大碗蒜蓉、大碗白砂糖，再\u569f一樽白醋。
「各位，市面潮州飯店提供的蒜蓉醋，十之八九稀稀薄薄，淡口，完全唔夠力。\u55f1，小弟鄭氏家族幾代傳下秘方，零舍唔同\u35ce！童年時老竇已多次教我，如何調校出接近完美的蒜蓉醋，將其用在任何滷水出品，都可將鮮味提升到另一境界！」和哥信心十足笑笑口，捲起衫袖開工。
服務員迅速將要求的材料放上\u67b1面。
但見和哥好似道士開壇咁，一面搞一面唸唸有詞：「首先放蒜蓉及白砂糖入碗內混合，用湯羹大力壓，將糖分及蒜蓉汁液全面逼出，蒜汁混合砂糖，會釋放陣陣幽香。此時，再緩緩加入白醋，分量按個人口味而定酸甜度。」
和哥用的分量為蒜蓉一湯匙，白砂糖三湯匙，白醋五湯匙。
「各位，呢個家傳秘方，不應預做，因久放會變苦，故此，最佳方法是現做現食，取其鮮。此外，醋的分量不宜多，否則會搶去鵝香，故要掌握精準，突出解膩提鮮作用已夠。」
嘩嘩，真多學問。
講多無謂，和哥調校完畢，大大盤滷水拼盤奉上，人人搶夾鵝片鵝掌，亦試蘸呢碟家傳秘方蒜蓉醋有幾堅。
咦喂，果然正斗，與潮州滷水鵝的膠質與油脂混合出迷人口感。
「和哥，呢條方，可否畀小弟在專欄公開？」
「冇問題之至！任何好\u5622，不應收埋食，一定要公開，獨樂樂，不如眾樂樂呀！」
