曾展望（GM）、葉蒨文、戴祖儀等今日（9日）為電競比賽錄影，GM與女友葉蒨文指平常也有一起打機，幸好兩人打機各有各叻，故一起打機可增加感情和默契。GM早前在慈善活動中獻唱《三生有幸》，問他是否想着葉蒨文唱？他說：「如果大家知咩意思，就知我點解唱，我都唔咁直接，含蓄啲！」至於在旁甜笑的葉蒨文就大讚GM唱得好聽，又讚他很有天份做歌手，因為自己第一次唱歌的時候有走音又手震，在台上很緊張：「始終唔係唱開歌，會應付唔到，但我覺得佢幾好，同埋我覺得佢把聲好特別。」
未有拗撬
兩人指情侶檔的工作多了很多，除了會一起在台慶表演外，也有晚宴邀請的主持工作，兩人更為護膚品拍廣告，問到兩人見得頻密會否多拗撬？GM即說：「我嫌見得唔夠多，可能再見多啲就會有多啲衝突，而家真係未有，（見得）未夠多。」
陳懿德是好好的拍檔
身為節目主持之一的戴祖儀指自己打機好叻，不過未試過有艷遇，因為自己打機打得好生猛，所以沒有人知道她是女仔，又解釋打機叻是因為細個時比朋友鬧得多，更指朋友鬧得狠，試過被粗口問候。即將播出的《新聞女王2》中，戴祖儀飾演銀行職員，更透露因此成為銀行代言，笑言自己日後若想挑戰新的事情，可以嘗試入銀行做。對於曾一起主持節目的陳懿德（德德）早前主持《聲秀》決賽的表現惹大量負評，戴祖儀表示有看到一些片段，不過自己跟對方合作不多，但覺得她是一個很勤力及對工作很上心的人，自己之前也有參與《聲秀》拍攝，綵排時也見德德由頭坐到尾，故無論是責任感或工作能力，也覺得她好好：「奈何可能有時候live嘅現場狀況，有好多單位嘅配合，溝通上可能有少少失誤，觀眾見到係一個比較明顯嘅失誤，我覺得有啲可惜，希望大家唔好因為今次嘅事件對佢定型，佢平時唔係咁，希望大家高抬貴手。（佢失誤都比較多！）我冇成集睇，都唔知實質發生咩事，以我角度去睇，佢都係一個好好嘅拍檔。」
