(曾智華)
日日有N咁多人問，真係煩到我抽筋。
問乜？兩款。第一款是不停傳來各式各樣的按Link要求，花款層出不窮，藉口及偽冒公司一百幾十，總之就是你日常會接觸或幫襯的，包括政府各部門、醫院、銀行、速遞、電訊 問 N個月，唔知點解 人仲要問。
大佬呀，我答一次兩次三次 十次，夠咯 ，總之任何大機構，根本冇可能無情情叫你撳Link，「提子」教 一千次啦，仲竟然話半信半疑？有冇腦 ？
總之，全部行騙！講完。
唔該各方好友，咪再問我啦，好無聊呀！
好啦，近兩月，又出新款。
今年股市\xf9瓻\xfc由萬八點爆上二萬六，日日兩三千億元成交，如此數量，各路騙子當然摩拳擦掌，呢呢，咁情況下，「碌Sir」又當紅。
其實過去四年，已有N咁多騙徒利用小弟頭像「開班教投資」及「提供必勝貼士」。當然，一律騙局。報完警，得個桔。紀律部隊老友笑笑口話：「碌Sir，如今全球騙子如麻，恆河沙數，拉無可拉，捉無可捉。任何有少少知名度人物頭像，全被利用，例如特首超哥、首富誠哥，一律中招。唯望班 小股民自己執生，唔好爬入水魚籠啦。」
最新收到幾個加拿大及內地老友訊息，又係問：「你係咪在南亞或內地開理財班呀？」為何有此一問？因我的頭像，開始內地化及國際化，已經被譯做普通話及唔知乜話「招生」，其中一個網頁，已經有四千幾粉絲！
普通話是Luke Zeng Zhihua（奇在全英文，高檔 ？），另外，不知是否南亞話啦，正是Ahustein Unawekla。各方老友知佢代表邊個國家騙棍，煩告知一聲，薄酬。
