有貪心的無良過海的士司機博懵，懷疑趁乘客入睡時以一手法企圖騙取雙倍隧道費，最終事敗被揭發，結局大快人心。詳情見下圖及下文：
無良的士司機博懵 趁乘客入睡圖呃雙倍隧道費 孝順女因一事揭發逐張睇↓↓↓↓
樓主：個牌寫到明只收單程隧道費
樓主本月17日下午在社交平台Threads以「的士司機」為題，上載兩張的士車廂內的照片發帖，指「今日陪屋企長者睇完醫生喺上環搭過海的士返屋企，個牌寫到明只收單程隧道費，個的士司機博大霧趁我同老人家瞓著嘅時候撳到個錶隧道費變$50」。
相關閱讀：蠱惑的士司機以一手法疑找少$100 乘客落車不足30秒即發現追唔返 自責：真係蠢咗
樓主聽到嘟嘟聲瞓醒
樓主續稱「我聽到嘟嘟聲起身問佢『係咪收單程隧道費？』，佢好愕然，然之後話『係呀，陣間幫你撳返$25呀吓』。我心諗起錶嘅時候咪set（調）咗$25，做咩要撳到$50再撳返$25？超唔老實」。
附上的相片，分別顯示附加費為25元和50元的咪錶。樓主及後回應網民提問時補充，現場為「港澳碼頭，過海的士站」。
有回應網民看不過眼批評「阿叔擺明博懵」，有人建議「照俾佢收50元，然後影相，告佢濫收車資，到時佢唔敢再亂嚟」。有網民還上載運輸署資料，解釋25元和50元隧道費的分別：「收50蚊是非過海的士站先收咁多，如果係在過海的士站上車，就只係收25蚊單程」。
相關閱讀：中環去太子一口價$250 司機劏客劏正行家慘遭咁樣整治 網民學到嘢：開$5000都話得
網民：我依幾個月都試過
另有過來人分享相似經驗，表示「我都試過幾次」、「有時無隧道，但趁乘客瞓咗／戴耳機都會偷雞撳幾下，我依幾個月內都試過」。
還有網民提到可惡的兜路問題，表示「我記得有一次乘的士，佢去兜路，多咗十幾蚊，全程的士費百零蚊，我問佢點解兜路，佢好惡咁話多十幾蚊， 唔算兜路，咁都得」。
於是有網民教路回應——「我會同佢講，你記得俾張單我，我搵警察招呼你，你記得去落口供時同警察講返同一番說話「多幾十蚊，唔算兜路」。
資料來源：jodie.cy＠Threads
相關閱讀：疑嫌車程太短 尖東的士司機中途趕遊客落車 內地客怒斥：影衰香港！↓↓↓↓
今年4月，有內地遊客在尖東千禧新世界酒店截的士去海港城，上車後司機懷疑嫌車程太短邊駕駛邊罵，當駛至K11商場，司機竟突然停車，要求內地客落車，其後又因為付款找贖問題與遊客爭執，內地客怒斥該司機「真係影衰香港」，而司機則反罵遊客是「垃圾」「影衰大陸人」↓↓↓↓
