有少女在港鐵被一名婆婆揮拐杖迫讓座，她指婆婆「冇預警」硬攝入她和一名小童之間，婆婆「係咁撞埋嚟」，女事主遭拐杖篤中，並被批踭，當時她「好驚，我成個人震哂，因為我唔知佢會唔會郁手打我」。
事發在上周日（14日），女事主有交代該名婆婆最後下場，過程如下：
港鐵婆婆揮拐杖迫小童少女讓座 女事主被篤中兼批踭：「好驚，成個人震晒！」最後咁至敗走↓↓↓↓
該名少女在社交平台發片發帖表示，上周日（14日）早上補習完畢搭港鐵，一名婆婆「一上車就揮動佢支拐杖，兼呼喝啲人要讓座畀佢」，之後，「冇預警咁成個人坐落嚟我同隔離個小朋友度」。
她表示，該名小童旁坐著工人姐姐，「個工人姐姐即刻抱返起小朋友一齊坐」，婆婆成功攝位，但仍繼續「係咁撞埋嚟，又搵佢支拐杖篤我批踭我，坐低之後再擘大佢對腳不停撞，硬係要一個人霸幾個位咁」。
女事主忍無可忍拿手機拍該名婆婆，與之對質，她形容：「佢仲要郁手郁腳咁篤到我塊面，嗰陣其實我都好驚，我成個人震哂，因為我唔知佢會唔會郁手打我。」
「工人姐姐即刻抱返起小朋友一齊坐」
樓主公開當時對質影片，片中她向婆婆說道：「係咪老人家就要咁樣讓！」婆婆即以大動作手指指，並喝道：「我開車唔企得呀！我叫你讓個位畀我坐呀！」
女事主反駁：「咁你大晒呀？」婆婆回應說：「唔係大晒，我企唔穩呀！」女事主即澄清是針對她的不禮貌態度：「咁你講唔該呀嘛！」婆婆申辯說她有講唔該，女事主即指出：「就係咁樣用枝拐杖整我嘅？！」婆婆又否認有拐杖碰她：「我無整到你呀，我叫你讓畀我坐呀！」
兩人爭駁間，對面座位一名女乘客仗義執言，喝令婆婆：「你唔好再摃人啦！」婆婆聞言一面錯愕，沒有回應，反繼續指責女事主：「你咁後生都唔讓個位畀老人家坐！」
這時對面座一名男乘客亦發聲：「老人家唔係大晒嘅！」婆婆即反駁：「我開車唔得，企唔到！」剛才發聲的女乘客怒斥：「咁，可唔可以有啲禮貌？你已經坐咗啦，仲使唔使咁樣摃人哋呀？」
「唔讓畀你哋老人家，咪因為無禮貌囉！」
婆婆否認有推撞女事主，該女乘客表示：「我啱啱睇住你摃佢3次喎！你摃佢3次啦，望住你啦！無禮貌就無禮貌啦！」婆婆一時語塞又轉頭埋怨女事主：「人哋只有讓畀啲老人家坐。」女乘客這時再反駁道：「唔讓畀你哋老人家，咪因為無禮貌囉！」
男乘客亦出聲：「唔好恃老賣老啦！」這時列車到站，婆婆反駁說：「最叻講呢句啦！」之後起身推著車仔離去。
女事主在帖文中強調「我平時係會主動讓座畀有需要嘅人」，「『攰』係冇分年齡層」，她批評該長者無基本禮貌：「唔好攞你老人家身份嚟橫蠻無理，咁大個人連基本禮貌都唔識，仲要郁手郁腳」。
女事主亦感謝現場兩名仗義執言的男女乘客：「好在有在場人士一早已經睇到呢個婆婆對人嘅唔禮貌行為，肯幫我發聲，好感激遇到正義嘅你哋。」
網民熱議事件，有人認為「點都好，都要尊重老人家，你企硬唔讓坐，列車一開，老人家企唔穩跌倒，你係咪會開心呢」，但有人則認為老人家不應恃老賣老，要人讓座亦須有基本禮貌，有人又認出該婆婆有前科，搭小巴時迫「後生仔幫佢搬架手持車上小巴，永遠都係唔會有一句所謂既『唔該』。」
來源：vsumsum＠Threads
同場加映：關愛座變批鬥座？瘋傳港鐵長者坐優先座全程咁曬樂悠咭 目擊者：好大壓力↓↓↓↓
