黃庭桄
這個世界連做騙徒也需要鑽研心理學，苦練口才，否則又怎能騙取苦主閒閒\u54cb一百幾十萬元呢？
一位朋友L分享近日遇到的一件真人真事，他的年邁母親，接到一個陌生人的來電，先是噓寒問暖，扮作關心，L媽不虞有詐，非常好傾，然後話題聊到朋友L。
「伯母，最近你個仔因為投資失利，輸\u5497好多錢，於是問我借錢，但過\u5497期都未還錢，所以我逼不得已打畀你。」
騙徒更鼓勵L媽當晚向L質詢：「不過我同你寫包單，你問佢有冇投資輸錢同埋問人借錢，佢怕你擔心，一定會答你冇。」
結果不出所料，L當然對母親強烈否認。
翌日騙徒再度來電，L媽勞氣地說：「我個仔話冇爭人錢呀！」騙徒相當有耐性，好聲好氣開導：「伯母，我咪一早話\u5497，你個仔實唔會認囉！」然後他叫L媽當晚再試探：「你今晚問多佢一次，佢實會發脾氣同你嘈，死口唔認。」
可以想像得到，L和母親的嘈交，又被騙徒猜中。
第三天，騙徒和L媽在電話中傾談起來，一傾又是半小時，「伯母，你今晚同個仔傾\u5413，佢一定會話我係騙徒，叫你唔好中招畀我呃。」
一次又一次被騙徒估中L的反應，L媽已放下戒心，深信兒子真的欠債不還。「你都知個仔孝順，佢寧願一個人承受壓力，不如你代佢還錢畀我啦！」結果是L媽把20萬元存入了騙徒的戶口。因為愛子心切，換來欲哭無淚的教訓。
