曾智華
周二早上，政界、官界、商界 …高層奔走相告，因覺得此乃大新聞。
乜？正是領展總裁王國龍終於決定出年離任（老友，坐 十六年，尤其近年公司搞成咁，乜都夠皮啦 嘛？）。
本來任何機構CEO、主席，又或官場局長、特首，上上落落，夠鐘拜拜，乃閒過立秋現象。人的社會本來就應該是能者居之，當然People Come People Go。
咁點解王國龍會特別「震動」呢？
且讓小弟這個領展「大股東」（真係 唔少股票 ），略作分析啦。
首先，領展乃其中一間最多香港人有感情（商場滿布公共屋 ）及最多小投資者支持的上市公司，既然咁多人有份，自然對領展一切特別關注，也有頗多意見。
領展最成功為初初上市階段，將靚位商場不斷翻新，令其大幅增值。殘舊無大價值的，則賣畀小發展商及炒家，賺回一筆。
呢個時期，領展日日生金蛋，屬銀行寵兒。因現金收入龐大，借貸低，再加上當時利率又低，銀行面對這個超級安全大客，當然希望對方借多 。賺錢易，借錢更易，怎不令領展管理層心雄，開始決定跳出「鯉魚門」，不停收購商場？
領展管理層薪酬與營運掛 ，當然有無盡誘因將公司谷大。於是，慢慢開始「不務正業」，更踏入地產發展領域。弊在王國龍在這方面「識乜 」（某資深地產商形容），結果一 踩中清水灣道安達臣問題地盤，地皮接近摸頂價買入。接著是美國暴力加息，領展股價大瀉。繼而小股東最 過 雞為領展求股東供完股後，王國龍立即自己沽股，「叫人衝，自己鬆」，咁 CEO收七千幾萬元年薪？
一切敵意，都是老王自己一手造成的。
