黃秉華
人類最大夢想是甚麼？目前而言，去火星移民生活是也。
我都算係高達迷，不過，我不會同意那位「高達之父」富野先生所言，叫大家死\u5497條心啦，火星人先至適合返去火星居住，人類唔掂呀。高達作品描繪的一個宇宙移民夢，寫得絲絲入扣，老實講，我始終是支持探險火星，呢團火千祈唔可以熄滅，點解？
東方大國為甚麼三百年來受到西方集團的支配？除了科學技術落後之外，歐洲對海洋有一份偏執狂，由始至終不放棄到那片不可知的神秘地方探險，誓要證實去亞洲唔使兜咁大個圈，有朝一日，必可以完成探索，推進人類走出一大步。結果大家知道，哥倫布擺\u5497個大烏龍，去錯地方，但改變了世界。
「高達之父」指主張火星移民的人「是不理解宇宙空間嚴酷性的天真一族」，並批評「人類去到火星都唔夠燃料返來」，發火星夢者，都是行內人想法。我懷疑「高達之父」是否針對美國科技大亨馬斯克，此君幾年前實牙實齒話有生之年去火星住，單程票（即有去無回）都無謂。
馬斯克已經表明唔去火星\u561e（美國需要他），留\u55ba地球更有意思，這是令人失望之事。不過，馬斯克並不否定火星夢是不可行。人類征服過海洋，繼而在上世紀六十年代成功登陸月球，今時今日，太空人能夠長時期在太空站居住，下一站去火星，理所當然。
不必畏首畏尾，想做就去做，人類要再偉大，必須有夢想，唔通大家要做一條鹹魚咩？
