陳可辛執導新片《醬園弄．懸案》在香港上映，同時入圍多倫多國際電影節，電影公司於日前開畫日舉行《醬園弄．懸案》「明星好友特別場」，陳可辛攜同妻子吳君如與女兒陳是知出席，同時「吹雞」廣邀圈中好友捧場︰包括甚少露面的梁朝偉，其他來賓尚有容祖兒、張敬軒、衛詩雅、黃秋生、劉偉強、鍾珍、Error肥仔、Dee及193等，星光熠熠。
《醬園弄．懸案》「特別場」星光熠熠
「明星好友特別場」非常熱鬧。完場後，來賓均對《醬園弄．懸案》讚不絕口。梁朝偉為了陳可辛開金口：「我特別鍾意電影開頭半粒鐘，一定要睇埋下集！」多位星級來賓都給予極高評價，黃秋生大讚：「冇得頂！我睇過最好睇嘅戲！搵唔到任何扣分位；藝術含量甚高，娛樂性亦好高；好有香港味道，好有香港導演風格嘅電影！」任達華十分認同：「節奏明快，要喺戲院睇嘅大電影！」容祖兒：「好震撼呀！陳可辛導演有咁樣嘅視野、內涵，拍呢種大家都唔敢接觸嘅題材，內心好激動！」張敬軒：「無論係導演嘅理念、審美觀，定係各演員嘅演出，都相當精彩！」影后衛詩雅則表示：「係演員嘅教科書！觀眾唔會想錯過任何一分鐘！」姜皓文：「好耐冇睇過一部咁入心嘅電影，好鍾意章子怡，唔好錯過！」ERROR肥仔：「前段鋪墊氣氛，後段緊湊刺激！」Dee：「睇到好肉緊，我有大叫！上天會默默改變渺小嘅人嘅命運，好奧妙。」193：「好想快啲看下集！」
多位新一代導演前來「朝聖」，《破·地獄》陳茂賢：「好有質素，陳可辛導演拍咩都好睇，講故事方式、鏡頭、節奏等都係一流。」《飯戲攻心》陳詠燊：「好耐冇睇大時代電影，畀電影吸進上海氛圍，震撼！」《一念無明》黃進：「美學、製作、藝術水準高！非常類型化，暗黑嘅電影語言入面睇到導演好細膩嘅觸覺。」陳可辛導演亦分享UFO的「管家婆」鍾珍看過《醬園弄．懸案》後，盛讚作品出色，導演技巧有進步，這「進步」從鍾珍口中說出，對他來說是特別興奮。
同場的星級來賓還有谷祖琳、許恩怡、謝咏欣、林宣妤、吳冰、岑樂怡；張同祖、陳慶嘉、簡君晉等等，堪稱高朋滿座。
《醬園弄．懸案》舉行北美首映
第50屆多倫多國際電影節剛於日前公布《醬園弄．懸案》入圍該影展的好消息，並將舉行北美首映。電影公司再度釋出新一輯製作花絮，聚焦陳可辛如何呈現女性既堅韌又柔弱的一面，除主角章子怡形容她的角色詹周氏是「跟命運『拗手瓜』」外，兩位女角包括飾演離婚作家趙麗穎，與飾演獄友的楊冪，親述兩種截然不同的情誼如何影響女主角命運。另外，較早之前，陳可辛現身《醬園弄．懸案》全港首場媒體優先場，分享創作緣由，表示該片人物多、篇幅長、成本高而遲遲未能開拍。直到兩年前疫情後才有投資者出現。他說：「觀眾可能覺得《醬園弄．懸案》好唔似我過去嘅作品，的確係比較冷峻地聚焦喺一件真人真事案件上，呢套唔係懸疑片，唔係要搵邊個係兇手，係講一個冇選擇權利嘅弱女子，點樣企喺身為自己發聲。」陳可辛有「影后製造機」的美譽，與坐擁多座影后獎座的章子怡初次合作，她為了演活這名40年代轟動上海的殺夫婦人詹周氏，犧牲色相，化醜妝甩眉毛，又戴上牙齒不整齊的牙套，她表示是從影以來造型上最顛覆一次。
