黃金買滑鼠有壞2點先換得？！港男奇遇惹關注 換貨見USB線恍然大悟：無奈｜Juicy叮

有網民在深水埗黃金電腦商場一間店鋪購買滑鼠有壞，中午到店舖要求換貨，店員竟向他表示：「唔好意思，換貨要等到（下午）兩點。」他感無奈，等到下午換貨後，打開包裝見到滑鼠USB線即恍然大悟，指店家懷疑涉及不實銷售。

事件在連登討論區引起高度關注，事主留言回應時無奈道：「買百幾蚊嘢都搞成咁。」

黃金買滑鼠有壞2點先換得？！港男奇遇惹關注 換貨見USB線恍然大悟：無奈↓↓↓↓

有網民在連登討論區以「黃金Mouse換貨：我唔嬲，只係有啲唔明」為題發帖，表示自己到深水埗黃金電腦商場，向一店家購買電腦滑鼠，「心諗mouse啫～咁低風險，唔想等送貨，就直接去黃金買返隻。」

該滑鼠約售百多元，他回到公司一用，發現「scroll wheel唔郁」，於是在中午約12時趁午膳時間到該商舖，要求更換。他形容當發覺滑鼠有壞，有「唔開心，但都明白，電子產品有機會嘅」。誰料去到店家，要求更換時，店員竟向他說：「唔好意思，換貨要等到兩點，係呀，要等到兩點先換得。」樓主在帖文中表示：「我嗰刻唔係嬲，係無奈。」

事主：我嗰刻唔係嬲，係無奈

他質疑換貨竟要拖至下午2時，有點奇怪：「唔係呀大佬，成間鋪咁大，換隻mouse畀我係咪真係咁難？」他指近日天氣炎熱，店員竟要他約兩個鐘後再來，才願換貨：「出面三十幾四十度，條街曬到溶咁，你要我攞住隻壞mouse行來行去，等多兩個鐘？為咗隻百零蚊嘅mouse？」

他表示，其後在1點59分返回該店鋪，店員「話早咗一分鐘無所謂幫我換」，樓主嘲諷地說「感恩嘅」，他打開更換後的滑鼠包裝，發現「條USB線有扎住的」，此刻恍然大悟：「有問題個隻條線係散嘅，意識到佢之前應該係賣舊貨畀我。」樓主有感而發：「呢幾年睇住黃金慢慢沒落，其實都有啲唏噓，但今日突然明晒……係今次百零蚊，大家唔志在，買百幾蚊嘢都搞成咁，你估我之後有大lot嘢仲會幫襯？」

網民：腦場規矩識條鐵 一向都係咁架啦

帖文引發熱議，有網民估計是店家「迷信」，故在中午一開鋪拒絕辦理換貨：「一早同你換件貨，今日仲使做生意嘅，一向都係咁架啦。」「做零售好多呢啲戇Ｘ迷信嘢架。」有網民則估計該店可能有專人負責換貨：「正常，要有人負責驗貨係咪壞，唔係個個想咩飛。」

但亦有網民懷疑店家可能想拖延不想換貨：「要指定同事先可以換貨？根本就係佢唔想換。」「兩點後先畀換貨，真心老Ｘ土。」「腦場規矩真係識條鐵，由佢哋自己玩囉。」

同場加映：阿叔大鬧萬寧講英文迫店員換貨：「You are too junior！」無法出示有效單據 網民：講英文高人一等？↓↓↓↓

有網民在社交平台發帖表示，「萬寧有個阿叔，用英文勁大聲勁惡咁鬧個staff。」

樓主拍下現場情況，有大叔在收銀處與一名女職員理論。

他向女店員說：「come on！」女店員有禮以廣東話向他說：「唔可以換啊，真係。」

大叔聞言大聲喊道：「Is this a receipt？」女店員繼續有耐性地解釋：「呢個唔係你嘅單據，係我哋嘅單據，係咪？」

大叔這時改以廣東話回應：「呢個咪Manning單據囉，I brought it from Manning！」

女店員再重申：「個客人要拎張單據嚟先可以……」大叔即怒斥：「I don’t think so，I don’t think so。」

女店員解釋：「公司嘅指引就係……」大叔再閘斷她的對話：「You call the area manager, please, go ahead, call her, call the area manager, I want to talk to you.」

目擊網民補充，雖未有錄到，但該大叔指女店員：「You are too junior！」

第二段影片，大叔繼續站在收銀處，這時有另一名女店員再向大叔解釋，大叔以英文罵道：「I don’t believe your fxxxing nonsense！」

「Come on. Talk to your area manager. I want to talk to him.」

該女店員再好言相勸：「我都係跟公司指引做㗎。」

大叔這時再怒罵：「If he say so, I will go fxxxing him. OK？Please call him.Please call him. All right？」

店員再重申須要有單據才可更換，大叔再以廣東話大發雷霆：「咩無用啫！I just want to talk to him. You just fxxxxing nonsense. 」

女店員表示：「你要拎張單嚟啊。」大叔即指手上一張紙：「This is the receipt.」

店員解釋：「呢個唔係你嘅單據嚟㗎。」大叔非常激動，揮手擊中收銀處旁的糖果盒，不斷喊：「This is the receipt, please call him, right away.」

女店員再重申：「呢個係我哋嘅單據，唔係你嘅單據。」

有網民表示：「以前做萬寧經理嘅時候，硬係有啲人唔帶單就話要換貨退錢…… 大佬人哋條款，更換貨物或退款（萬寧禮券外）……只可憑單換貨，唔需要講幾句英文就覺得自己高人一等嘅 ，講下道理呀。」

不少網民嘲諷大叔講英文兇店員：「講嚟講去都係果2句單字英文。」「你都係講番中文啦。」「唔講以為佢英文好Ｘ叻，扮Ｘ哂嘢。」

「近排咩事？個個都開囗埋口用威脅語氣對服務行業員工？新年流流大家和和氣氣，唔洗下下威脅人，和氣會生財呀。」

有網民則建議報警：「直接打999報警話有人搗亂！」

萬寧官網顯示，門市提供「14天購物保障」，如欲更換貨物或退款（萬寧禮券外），請於購物後 14 天內攜同貨物及有關購物單據與店舖經理聯絡。如已享用商場購物優惠（包括停車場及禮品換購等），只可憑單換貨。