有港媽昨日（7日）在小巴拾獲銀包，她沒有交與司機，反而創意地巧用「轉數快」成功尋獲物主，物主在連登討論區公開事件，大讚：「我諗真係得香港人先可以做到咁高質素！」
真創意！港媽巧用「轉數快」奇招尋銀包失主 連登仔讚爆：真係得香港人先做到咁高質素！↓↓↓↓
銀包失主在連登討論區以「我諗真係得香港人先可以做到咁高質素」為題，發文公開事件，他表示，昨日（7日）乘坐小巴時「跌咗個銀包」，他到小巴站遍尋「成個鐘之後」仍找不到，並「已經打定輸數」，但之後竟在Facebook失物群組找到。
原來樓主的銀包被「一個好好人嘅媽媽執到」，他和該港媽見面時，「先知原來喺我好徬徨周圍搵嘅時候，佢執到我銀包，搵到我張銀行咭，專登FPS(轉數快)咗一蚊畀我，仲喺Remarks留低咗佢聯絡方法畀我。」
樓主帖文分享轉數快截圖，看到港媽入數1元後，備註：「你漏咗個銀包喺小巴請聯絡……」字句。
事主感動：令我反省有冇對他人做過呢啲好事
樓主說：「嗰刻真係覺得好感動，雖然成日講香港人幾咁功利，但喺路不拾遺方面，真係得香港人嘅公民意識可以咁高，喺呢個咁冷酷嘅社會，仲可以感受到人間溫暖，令我自己都有反省下，平時有冇對其他人做過呢啲好事。」
樓主表示：「其實發現咗交畀司機都已經好好，點知過數嚟幫人真係估唔到，香港人有愛。」
有網民問樓主有否給回1元或請該港媽食飯，樓主表示：「有畀錢佢但佢堅持唔收……叫我以後幫番其他人……可能佢見我仲讀緊書，好人有好報。」
連登仔：學到嘢，呢個媽媽好人又有腦
帖文在連登討論區引發熱烈迴響，不少連登仔留言大讚港媽有善心又有創意，「FPS 1 蚊留contact呢個真係諗唔到。」「呢個媽媽好人又有腦。」「真係幾聰明。」「佢識得咁樣留資料，係好醒。」
有網民又表示「學到嘢」，下次可用同樣方法，利用轉數快過數1元聯絡失主，有人又提醒樓主，倣效該港媽將樂於助人的善心散播開去：「咁下次到你見到有需要幫助嘅人，你就記得要幫啦， 大家一齊令個世界變得更加好。」
來源：連登討論區
同場加映：的士「電騙黨」瘋傳！一招以「轉數快」疑呃錢 網傳屯門元朗有司機中招↓↓↓↓
