港鐵車廂慘變啪啪聲修甲店。屯馬綫一名紮馬尾的女乘客，日前被拍攝到在乘車期間埋首修甲，又銼又剪又撥，指甲碎片與粉末四散，在屯門站臨落車前，終於被看不過眼的乘客圍斥。結果，馬尾女的反應被網民形容為「神蹟」。詳情見下圖及下文：
港鐵車廂變啪啪聲修甲店 又銼又剪 馬尾女落車前遭乘客圍斥逐張睇↓↓↓↓
天水圍站剪至屯門站
樓主昨日（27日）在社交平台Threads上載短片發帖，指「屯馬綫理甲店，自私自利仲死口唔認。好彩仲有其他乘客上前一起指責佢嘅自私行為」。
短片拍攝到一名馬尾女乘客在車廂的座椅上埋首修甲。片中字幕講述事件詳情：
•事發時間2025.26/6約20:28至20:35；
•屯馬綫天水圍至屯門站，目睹整個修甲過程，視若無睹，完全目中無人；
•坐過一格就當遺下嘅指甲就唔係屬於自己；
•意猶未盡剪到啪啪聲，指甲彈到周圍都係；
•完全當咗車廂範圍係私人修甲店；
•阿婆你仲死口唔認，公德心何在？衛生何在？自私精；
•其他乘客都立即上前指責佢自私自利的行為。
相關閱讀：企正銅鑼灣鋪頭門口剪指甲 大叔遭公審慘變「無頭東宮」 網民爆笑改圖連阿Bob都受牽連？
樓主挺身指罵
片中馬尾女旁若無人地拿著指甲鉗又銼又剪，並把指甲碎和指甲粉末撥開，最終在看一看一手表後收起工具，拿起手袋離座準備下車時，樓主終於上前挺身指罵：
樓主：阿婆呀，你留咗好多垃圾呀。
其他同卡乘客：好多手指甲呀。
樓主：吓，其實呢啲私人嘢，呢衛生嘢呢，係咪可以喺屋企做呢？點解成日都要喺啲公眾地方都係呢。
馬尾女：唔係我㗎啲垃圾。（意思指地上的垃圾）
其他同卡乘客：上面嗰啲。
樓主：你夠膽話唔係你？
其他同卡乘客：上面嗰啲係你㗎啦。
樓主：天水圍影到你嚟呢度喇，離晒譜呀呢啲人。
相關閱讀：巴士上剪指甲車長開咪鬧 19字「金句」惹熱議 網民：車長經歷過？
馬尾女捱鬧後掃指甲碎落地
被直斥其非後，馬尾女默默轉身彎腰，出手左左右右把座椅上的指甲碎掃落地。於是有網民指「個阿姐無發爛渣，仲有撥返的指甲落地，已經係神蹟。好多都後吊轉頭話係『厚多士』（好多事）」。
雖然如此，網民看過短片後，紛紛聲討車廂剪指甲行為，大鬧：
•好嘔心；
•非常討厭；
•好無公德心；
•扺鬧！無品；
•唔爭在修埋腳甲啦；
•呢啲人真係好乞人憎；
•抵鬧，呢啲就係自私精；
•好X憎人喺公共交通工具剪指甲；
•閨房事大公開。之但係無人想睇囉；
•（挫指甲）仲衰過剪手甲，啲粉周圍飛；
•有無佢嘅屋企人睇到呀！教下佢禮貌喇！唔該。
另有人大讚樓主的挺身而出：「多謝樓主出聲」、「呢個仲諗住唔認，樓主向佢指出真好」、「多謝你當場話佢，佢哋好唔衛生，令人厭惡」。
還有人好奇「解咁鍾意將車廂當理甲店呢？」、「完全諗唔明點解要特登喺地鐵剪指甲，我彈結他要定期剪指甲，但我從來唔會喺地鐵剪指甲，真係黐X綫」。
相關閱讀：惡阿伯輕鐵「歪理」剪指甲：「邊有規矩唔畀剪指甲啊！」目擊者：佢話自己住過美國又講英文
網民分享修甲奇聞
更有不少網民分享自己在街上見到的修甲奇聞：
•上星期喺港島綫都有個女人做同樣嘢，希望可以立例重罰佢哋；
•試過喺酒樓剪添，女人坐我隔離枱，一個人先到幫8個人攞位，指甲飛出位外，初時以為佢剪一隻甲，原來佢剪晒，我哋即時要求換枱。
•哈！有一日（假期）我同阿仔喺書局入面睇書，都有個女人坐喺我隔籬搽指甲油，佢仲要孭住個名牌手袋，正宗香港人，後生（約40歲）。
•噚日落雨等巴士又有個阿嬸邊喺我隔籬邊剪指甲邊等，佢剪一隻手嘅時候我已經望住佢，佢仲好悠閒咁剪第二隻，我後面排晒長龍，又落大雨，我費事再等就開把遮隊住佢，費事佢啲指甲碎彈晒過嚟～真心啲人係咁無教養，成日喺街剪指甲知唔知醜㗎。
參考《港鐵附例》第25條及28H條：
•25. 乘客不得造成滋擾——任何人不得在列車上或在鐵路處所任何部分作出對其他乘客造成滋擾或煩擾的行為。
•第28H(d)——不得騷擾任何人，或故意對他人的舒適及方便造成干擾。
資料來源：wai_liu_kidd＠Threads
相關閱讀：車廂剪指甲斷正發惡 巴士阿伯指甲碎威脅勸阻乘客：「攞畀你睇吓呀！」↓↓↓↓
一名阿伯3月25日在巴士車廂，肆無忌憚地剪指甲，有乘客勸阻時，竟被該阿伯以指甲碎威脅，阿伯指著座位下滿地指甲碎，兇她：「攞畀你睇吓呀！」勸阻網民在社交平台Threads公開當時情況的影片，如下↓↓↓↓
