拍拖開心最重要，但前題是要找對的人。網上近日流傳一份給港女發出的「必睇警報」，列出「低質男友10大特徵」，好心提醒「低質男唔cut（中斷），遲早cut你青春」。詳情見下圖及下文：
列低質男友10大特徵 事事扮窮僅排第4位逐張睇↓↓↓↓
低質男友10大特徵
樓主早前在社交平台Threads以「低質男友10大特徵（港女警報必睇）」為題發帖：
1. 有事搵你、冇事潛水
每日問你食咗飯未，但從來唔約你食飯。
2.永遠冇時間，但IG成日見到佢打機／打邊爐
工作忙到唔可以回覆你，打機就每日online（上線）。
3.金句之王：「咁樣都要嬲？」
唔知自己做錯咗咩，仲怪你小題大做。
4.事事扮窮，張單一定要你夾埋俾
話自己冇錢請你食飯，但隔兩日就去買figure（模型）。
5.用你當免費情緒垃圾桶
開心搵兄弟，唔開心就搵你傾苦水。
6.將你介紹俾朋友時叫你「個Friend（朋友）」
情人節前特別神秘，唔公開你身份仲當你係秘密情人。
7.所有承諾都冇兌現過
話會改、話會努力、話會對你好——全部都係「話」啫。
8.成日講「我唔鍾意啲女咁打扮／化咁濃妝」
你有樣佢唔識欣賞，街上見到女神就偷望唔停。
9.同你計到盡，連搭車都要你找續
窮唔緊要，最怕係又小器又計較。
10.最恐怖：你都知佢唔掂，但你仲唔捨得放手
知道自己沉船，但仲安慰自己「可能佢有苦衷」。
網民：也可套用落女仔度
樓主提醒「低質男唔cut（中斷），遲早cut你青春。識得分清楚，先可以為真正嘅幸福讓路」。有回應的網民相當認同，留言指「笑死，好幾項都幾經典，之前遇過咁嘅人，好熟悉嘅話術」。有人則從中看到「吸引力法則」，認為「咩人識咩仔…」；有人還抵死地表示，「好多都可以apply（套用）返落女仔度」。
資料來源：helenn_wong＠Threads
相關閱讀：拍拖6年擬拉埋天窗 男方只肯影結婚相 港女一再退讓：淨搞觀禮 準新郎堅拒 絕情說出6個字……↓↓↓↓
待嫁姑娘本應甜蜜開心，對未來新生活充滿憧憬，但有港女卻在答應男友求婚後，雙方在籌備婚禮上出現分歧，加上準新郎拋出了一句狠話，令這位準新娘委屈巴巴，在無計可施、無人可傾訴底下，唯有在網上發長文大呻，並徵詢網民意見。網民也如實地講出心底話，特別提醒要警惕「戀愛腦」。
樓主在長文中提到，拍拖6年，與男友準備拉埋天窗，但原來男方的底線是只肯影結緍相，堅拒其他婚禮的細節流程，即使準新娘一再退讓要求只搞觀禮，也被對方拒絕，且還絕情地說出令人心碎的6個字。詳情見下圖及下文↓↓↓↓
