點吃魚片粥，圖的都是個鮮甜與軟滑。有網民近日便討論起「生滾魚片粥」和「鮮鯇魚片粥」的分別。樓主引述粥店阿姐的二分法解釋，講述「生滾魚片粥」賣貴5元的奧妙，有關說法被網民笑指是「驚天地泣鬼神，勁！」。而說來說去，有人卻以「簡單來說就係碗內熟，和煲內熟的分別」作結。詳情見下圖及下文：
賣貴5元 「生滾魚片粥」和「鮮鯇魚片粥」大不同↓↓↓↓
「生滾魚片粥」和「鮮鯇魚片粥」大不同
樓主昨日（7日）在facebook群組「西環變幻時」上載粥品店的餐牌相片，並轉載與粥店阿姐的對話挑起話題：
樓主：大家在粥店Order（點）鯇魚片粥時，有否試過被問「你是要生滾那款嘛？」。本人孤陋寡聞，吃了魚片粥幾十年，才知「鯇魚片粥」不等如 「生滾魚片粥」！？請教粥店阿姐， 起初我以為混淆點在於「鯇魚片」和「魚片頭切片（也有人會叫這做魚片）」。
樓主續稱：但阿姐話：地道香港人習慣吃的魚片粥是把生鮮鯇魚片放在碗中，再把滾粥撞落去，然後就吃 （這是本人一向認知鯇魚片粥的做法）；但 「生滾魚片粥」則是將生鮮魚片放進小鍋跟粥一併煮熟才端給人客，而這是大陸人的慣常的食法（當下，我碌大眼說：竟然！！）。對於魚片粥？大家有何分享或看法？
樓主並在回應欄補充：
•我食咗幾十年「鯇魚片粥」，都無侍應特登問我係唔係要「生滾」嗰款，因此才引起我同阿姐剛才嘅對話；
•我由細到大認知和在小店食開嘅「鯇魚片粥」，就係放生鮮鯇魚片在碗底，然後撞滾粥落去。
從相中見到，餐牌中的「生滾魚片粥」歸類「生滾粥品」，標價30元；「鮮鯇魚片粥」則屬「即熟粥品」，售價為25元。於是有心水清的網民點出重點「生滾兩字值$5」。
相關新聞：北區大排檔手寫人情味餐牌 豪食羊腩煲加5款小菜盛惠$XXX
就兩者之別網民作認真的討論：
•阿姐這說法簡直驚天地泣鬼神，勁；
•煮法阿姐無亂講，但應該唔關大陸人事；
•真係唔同㗎，煮法唔同，阿姐嘅回答好正確；
•生滾同唔生滾呢兩個食法不嬲都有，唔關大陸事；
•其實魚片粥無咩所謂生唔生滾，因為好快熟，反而魚腩就真係要生滾；
•一般唔會生滾魚片，魚腩就會生滾。可能有些人怕唔熟生蟲，而生滾會香啲，主要是滾了薑絲會好味過泡浸；
•向來粥店都有落鍋煮過（所謂生滾），同就咁落熱粥上粥料兩種叫法，我細個已經有見係咁，應該唔關大唔大陸事，只係煮法唔同；
•滾粥撞落魚肉，魚肉不會過熟，如果魚新鮮就可食到魚嘅鮮味。生滾粥就係連魚肉一齊滾，令到粥有魚嘅味道，但魚就會過熟會鞋。這是我個人的想法；
•應該咁講，細個食嘅要用煲煮嘅粥，本身已經係貴啲，同艇仔、碎牛、皮蛋係唔同價錢， 但叫法都係叫魚片粥／鯇魚粥、肉丸、滑牛，而家就講明係生滾；
•普通魚片粥：魚片放碗底，白粥撞落去 — 功夫少啲，但咁樣魚片有機會熟唔透，有寄生蟲嘅風險大啲，有啲老一輩嘅人鍾意咁食；生滾魚片粥：魚片放入煲內白粥滾熟；
•生滾粥，顧名思義就係生嘅材料用粥滾熟。基本上所有材料都係咁做，除咗魚片，無粥檔會放魚片落粥度生滾，因為太薄，一滾就散。生滾魚片粥係滾咗個粥底再放入魚片浸熟，魚片粥則放碗底用粥撞熟；
•其實極簡單，以前一般粥檔只提供廣東粥，後來生滾粥興起，好多粥檔就照跟，既然有兩款，當然問你要邊款，因為滾一滾可以收多你5蚊。其實一般廣東粥檔食生滾粥係有啲天真同傻，生滾粥講求才料新鮮，粥底夠綿，一般粥檔根本做唔到；
•以前（起碼20年以前），我食過粥檔，魚片粥係將魚片置碗內撞滾粥，如果生滾粥檔會有將魚片放在小碟隨滾熱粥而上。至於魚片粥會放到小鍋煮滾再給客人，好像少有，因為一般粥檔（白粥炸兩嗰啲），無得生滾，另外個時的人沒想過甚麼衛生問題，只認為熟透鯇魚片唔好食，要僅熟靠生才認為正；
•按我記憶，舊式粥舖不嬲都係就咁放魚片同碎牛喺碗度，淋粥上面，唔會再另外煮。我估「生滾」呢個做法。應該係因為有一啲粥舖，除咗艇仔、皮蛋瘦、碎牛、豬紅呢啲靠淋粥上面就可以嘅款式之外，再加多一堆魚腩、鮮滑牛、肉碎、滑雞，呢啲淨係靠淋粥上面會唔熟嘅款式，因為齋淋唔熟，咪要特登用個煲仔「滾」下啲「生」料先，而多重功夫，就收多啲錢，收多啲錢，啲人就覺得巴閉啲咁。
說著，有網民作出精警總結：「簡單來說就係碗內熟，和煲內熟的分別！」。有人則笑言「只是人云亦云的市井食法，佢（粥店阿姐）卻將分別講到頭頭是道，你真係吹佢唔脹」。
資料來源：Joe Lam＠facebook
相關閱讀：港爸指控外傭疑報復煲粥嚴重灼傷BB 手及半身不停甩皮：醫生話可能要植皮 警拘43歲菲傭涉虐兒↓↓↓↓
有港爸早前在網上發帖指控外傭疑報復，在被指責偷懶後，即抱剛一歲大的BB入廚房「睇粥」，未幾傳來BB瘋狂大喊，BB手及半身不停甩皮，被醫生診斷嚴重灼傷，有可能要植皮。
消息指，警方今年3月5日接獲報案後，經調查後同日在馬鞍山以涉嫌虐兒拘捕一名43歲菲傭，現正被扣留調查，案件交由沙田警區刑事調查隊第六隊繼續跟進，至於男童經治理後已經出院。
相關新聞：沙田1歲男嬰被抱住廚房煲粥 右手半身二級燒傷 菲傭涉虐兒被捕
事主今年3月4日晚在網上發帖求助，查詢解僱這位外傭的程序，但網民紛紛促請事主「報警，即刻報警」，交由警方調查事件。以下港爸自述事發經過↓↓↓↓
