立法會議員田北辰今早（6月1日）在社交平台發文，指昨日端午節假期，聯同約100位義工街坊參加「昂坪360一日遊」，期間到寶蓮寺食齋。他指「我個孫仔一聽到我要去搭纜車，仲即刻扭我要帶埋佢去 。」組成「公公外孫二人組」，與一眾義工街坊與眾同樂。
田北辰感謝港鐵贊助一行人，免費乘搭纜車 。午餐吃齋時，他就感激一眾義工端午節選擇與實政圓桌過節，感謝各位一直以來幫忙。他指知道有新義工朋友從來未開過易拉架，因為今次幫幫做街站，學懂如何開、如何收、如何綁易拉架，做街站學到新技能。
嘆港珠澳大橋「冇得落去打卡真係嘥晒」
一行人乘搭纜車到寶蓮寺期間，田北辰表示發現到在途中「多咗一個非常靚、同獨有嘅景點」：成條港珠澳大橋入海底隧道，再由海底隧道上返條橋 。他直言「呢個景真係非常之正，加埋睇晒成個海，絕對係天下無敵！但係冇得落去打卡，真係嘥晒。」
他指，若昂坪360纜車可以在此加設中途站，再於對正港珠澳大橋方向設置「遊覽觀景台」，收門票入場，「咁就真係掂嘞！」他認為一方面可吸引更多本火和外地遊客之餘，「仲唔使嘥咗呢個咁正嘅景點」，稱會向有關方面反映，希望可以盡快做得到 。
大欖隧道「冇可能半夜凌晨都要收費」
至於政府收回大欖隧道經營權，田北辰指公眾假期私家車全日收費18元，「聽落好似平咗喎！」但到周一至周五，繁忙時間就會收45元，就算是半夜非繁忙都要收18元。他指起初以為政府收回大欖隧道「終於可同屯門公路睇齊，可以免費」，但「誰不知都係全日都係要收費！」
政府指原因是繁忙時間如果不收費，汀九橋就會塞爆，但田認為「咁都冇可能半夜凌晨都要收費」，指實政圓桌原則是「除非塞車，否則免費」，稱現時香港有9條免費隧道，就算造價360億的中環繞道也是免費，直指 「年年都要貼錢」，反問「點解要我哋新界幾十萬市民去幫手補貼？」
他又指，加上政府指新收費後，大欖隧道收入會有7億，而維修營運只是4億，相信絕對可以做到非繁忙時段免費 。田表示，未來一年會密切留意大欖隧道和汀九橋行車情況，稱「我一日作為議員，都會繼續向政府爭取到底！」
要求下周立會開特別會議 討論全港水管問題
他亦提及上周二屯門公路爆水管，形容問題已困擾香港多年，指政府安裝感應器（sensor）提早預估水管出問題安排「又一路嘆慢板」 ，因此他已要求下周立法會開特別會議，討論如何一次過解決全香港水管問題 。
他在帖文尾笑言，「有咁多我跟進同關切嘅議題」，連我太太都忍不住問：「隧道收費關你事、爆水管又關你事；到底有啲咩係唔關你事架？」 田北辰便認真回答：「作為議員，梗係樣樣都關自己事啦！咁先可以對得住自己嘅身份，對得住選民架嘛！」
