(曾智華)
從日本仙台回港，第一時間再進戲院，首先選的是兩套大製作，一是在內地票房收到\u562d\u562d聲的《獵金．遊戲》，另一是預期盤滿缽滿，因靚仔湯告魯斯揚言是這個系列收工之作《職業特工隊：最終清算》。
我錯我錯，真的可能是我個人唔識貨，竟然兩套冇睇完就離場，真要搵「醫生」驗\u5413品味。
首先是影帝劉德華\u5b6d飛，著名商業片大導演邱禮濤的作品《獵金．遊戲》。唔好意思，電影開場，小弟已發覺好難投入，因無論拍到如何金碧輝煌，又間中講埋英文，片內個個名牌西裝套裝，總之我就是覺得格格不入（個人問題\u5569？）。
明明香港人導演，香港人任主角，但整套戲瀰漫一種極濃烈的內地味。電影主線講金融世界，更覺有點不倫不類（又是我偏見？）。
金融片，無論正路或邪路，當然荷里活是開山祖師高五班波，因美國華爾街文化早種，乜款金融大鱷有齊，中國講金融，最多剛起步，有排都未到老練水平，所以，硬是看不入眼。另一問題是劉德華，拍乜都是扮「劉德華」，唔係佢\u5605錯，係我要求太高，接受唔到。
另一套三十億港元大製作《職業特工隊：最終清算》，我也只頂\u5497一小時就離場。
套套《職業特工隊》我都真金白銀入場，由N年前心花怒放睇到近年不是味兒。早前兩套已冇睇完，因乜都熟口熟面毫無新意，我入場，只為向60多歲仍堅持搵命博的湯告魯斯致敬。不過，致敬還致敬，致敬完畢，若劇本仍是初級編劇都度得出，咁就無謂再浪費時間了。
美國大英雄拯救世界，充滿幻想，英雄片套套如是。但睇睇現今的美國總統剛剛相反，不單不拯救世界，反之為私利搞亂檔，真想講粗口！
