元朗有大叔到天仁茗茶購買外賣飲品，懷疑不滿店家按法例要求收取一元膠袋費，激動爆粗大鬧店員，揚言：「你有無尊重過我！」「你識唔識玩㗎？！」「你玩我唔起㗎！」
該大叔地中海式禿頭，踢拖配上背心底衫短褲，挽著膠袋，造型被網民形容撞樣周星馳經典電影《功夫》內的「火雲邪神」。
疑不滿攞袋加一蚊 阿叔「火雲邪神」Look大鬧天仁茗茶：「你有無尊重過我！」店員「咁樣神回」獲激讚…↓↓↓↓
涉事地點位於元朗千色匯的天仁茗茶分店，有網民昨日（5日）在社交平台Threads發布事發影片。
樓主在帖文中表示，該大叔「買嘢要袋加一蚊，唔想畀就喺度嘈鬧人唔畀袋佢。鬧咗好耐，我見唔對路，就由舖頭走出去幫手拍低，萬一有需要可以做證。」
「我依家問你，你有無尊重過我！」
當時大叔站在店內收銀前，聲嘶力竭地爆粗怒斥店員：「你做乜Ｘ嘢啊！你係咪想玩嘢啊！玩乜Ｘ嘢啊！」
大叔越說越激動，指著店員罵道：「你有無尊重過我先啊！我依家問你，你有無尊重過我！」
店員非常冷靜地反問：「咁你有無尊重過我啊？」大叔一時語塞，想了一想又再暴跳如雷：「咁你無尊重過我，我點Ｘ解要尊重你先！我尊重你乜嘢啊！」
「打包外賣囉！都係嗰句！」
大叔隨即指令該店員：「你依家落唔落單！係咪唔買畀我！？」
店員仍保持禮貌解釋：「我依家就係落緊（單），你想要改……」大叔怒喝打斷店員說話：「打包外賣囉！都係嗰句！」
店員再問付款方式：「畀咩Payment？」大叔又爆粗回應：「唔Ｘ得啊？」店員說：「得啊。」大叔聞言仍怒不可竭：「乜嘢Payment？你接受咪得囉！」
挑釁店員「打Ｘ我」
這時聽到拍片者向途人大喊：「幫手嗌商場Secure啊，唔該！」
大叔懶理拍片者，繼續指罵店員：「你玩乜Ｘ嘢啊！」店員強調：「我無玩嘢啊，我剩係問你……」大叔以粗口打斷店員的說話：「Ｘ你老母臭Ｘ！」之後聲如洪鐘地再挑釁店員打他：「我Ｘ你老母臭Ｘ！打Ｘ我啊！」
這時拍片者再喊：「喂，有無人幫手嗌商場Secure啊？」
「識唔識玩㗎！你玩我唔起㗎！你以為我咩啊！」
店員請大叔冷靜，大叔仍破口大罵：「報警囉！咁想點啊！」店員表示不會報警，仍盡力安撫大叔，大叔罵道：「識唔識玩㗎！Ｘ你老母臭Ｘ！……你想玩乜Ｘ嘢啊！……我……香港人嚟㗎，你玩我唔起㗎！Ｘ你老母！你以為我咩啊！」
店員被罵仍非常冷靜，沒有出聲以免刺激大叔，拍片者在場大喊：「你返入去啦，唔好理佢！」建議店員暫避，大叔這時再大喊「Ｘ你老母」，即轉身怒氣沖沖地離開。
網民：1蚊政府要收㗎，阿叔係咪穿越過嚟？
網民紛紛指斥大叔橫蠻無理，外賣膠袋收一元是法例規定，竟遷怒店家：「天仁(茗茶)部分包裝係氣密，所以係合法收$1。」「嗰1蚊政府要收㗎……呢啲阿叔係咪穿越過嚟？收1蚊1個膠袋已經行咗好耐。」
網民都稱讚店員不受挑釁冷靜應對：「嘉許情緒穩定的店務員！」「有錢買嘢飲冇錢買膠袋，陰功囉，店員好EQ值得讚揚。」
「香港人真係壓力好Ｘ大，隨時隨地都可以爆得，感覺上店員嘅EQ都幾好，冇跟住發脾氣同講粗口。」
「堂堂火雲邪神連一蚊都冇？」
網民又熱議大叔的「火雲邪神Look」：「堂堂火雲邪神連一蚊都冇？」「火雲邪神咁嘅造型，把聲好似一個打九個咁，冇人幫拖係正路。」
樓主在帖文中表示，當時猛叫路人幫手叫商場保安：「咁耐都冇secure嚟，我就一路拍一路大聲叫人搵secure，全場嘅人都喺度食花生……」
同場加映：阿叔大鬧日本城粗口問候「唔畀拗」 店員神回：「我係咪要叩頭畀你？」結局令人意外↓↓↓↓
