有市民早前去荃灣街市海鮮檔買鮑魚，因一意外慘變買空氣。精明網民了解事件後，為免重蹈覆轍，教路日後應自備呢樣嘢最穩陣。詳情見下圖及下文：
去荃灣街市買鮑魚因一意外慘變買空氣逐張睇↓↓↓↓
樓主：膠袋穿窿海鮮跌晒落地
樓主早前以匿名身分在facebook群組「香港街市魚類海鮮研究社」上載相片發帖警世，提醒——
「大家去買海鮮一定要小心膠袋穿窿。屋企人喺荃灣楊屋道街市買完海鮮，買完無幾耐個膠袋就穿窿跌晒落地，不過都冇辦法，只能夠話唔好彩，大家買海鮮記得要check（檢查）清楚個膠袋呀！」。樓主在回應網民留言時補充「我屋企人係買鮑魚」。
回應的網民對於去街市買餸都滿有經驗，指「正常有水、有血都俾兩個袋」、「通常俾兩個，一個硬、一個軟」、「海鮮檔俾呢啲垃圾袋？通常唔係一厚一薄兩個嘅咩？」，不過有網民澄清「唔係買游水嘢未必有厚袋」。
相關閱讀：荃灣街市驚見「同歸於盡」菜價 3斤菜標「這個價」震驚網民：天哪，這物價！
網民：帶個10K嘅米袋
有人笑指膠袋穿窿這情況，「如果買鱔就乜都冇晒Lu」，估計「唔係買白飯魚啩」，另有好心人向樓主熱心教路：
•如果我嗰日決定去買海鮮，我會帶個10K嘅米袋。將佢全部放晒落去又唔會滴水又夠韌、唔會滴到四周圍濕晒；
•每次落街市買海鮮或魚，都一定要自備超厚膠袋（刺不穿那種，是貓狗小食的厚包裝袋，儲埋唔捨得丟），如果唔係次次搭的士都整到人哋成車都係腥水，人哋唔鬧我都唔好意思。這名網民還補充，必要時可以同檔口啲姐姐講要多隻袋。
有網民起初未知樓主家人買的是鮑魚，留言稱：「嗰啲魚蝦蟹嗰啲刺一定會拮穿膠袋」、「買蝦（游水）個膠袋係厚身㗎！冇咁易穿」。樓主事後補充：「買鮑魚呀」、「我屋企人係買鮑魚」。
網民：下次帶個冰箱
另有網民提到買海鮮時，秤海鮮個袋是穿的，因為「膠袋穿窿是正常，買海鮮不包海鮮水」、「我去大埔街市買蝦，個袋都係穿窿，咁秤起上嚟膠袋就唔會有水」；有人則抱怨「我反而覺得海鮮膠袋好厚，買斤蝦膠袋連水都少咗二両」。
樓主多謝網民們提醒，表示「提咗屋企人下次要自備多個膠袋先」。帶多個膠袋、帶多個膠厚袋的準備還不夠，有慬慎的網民索性建議「下次帶個冰箱，萬無一失」，受教的樓主虛心地回應：「係，準備唔夠充足」。
相關閱讀：買魚送「刀片」魚頭被𠝹一手血 網民：個魚頭好有生命力↓↓↓↓
有網民早前在魚檔買了片鮫魚，魚販贈送一塊魚頭，誰料因福得禍，魚頭竟如刀片，事主用手一洗即刻被𠝹，血流如注。事主在社交平台發帖公開事件，引起網民關注熱議，詳情如下↓↓↓↓
