一名四眼男乘客早前乘搭的士期間，懷疑作出「核災難級別」式的狂嘔，嚇人的嘔吐物滿布車廂後座，椅上、地上都沾滿啡色物體，儼如災難現場。事後，男子手持的一件物品很是搶鏡。詳情見下圖及下文：
四眼男「核災難級別」式狂嘔 的士後座噴滿嚇人嘔吐物逐張睇↓↓↓↓
四眼男拿著少量紙巾
樓主5月1日清晨6時許，在facebook群組「車cam L（香港群組）」以「你攪乜X嘢呀…」為題發帖上載相片。從相片中感到，四眼男的作嘔情況仍然意猶未盡，手上拿著少量根本包不下嘔吐物的紙巾，胃部卻似乎仍在翻騰著；紙巾與嘔吐物強烈的對比很是搶鏡。而四眼男身旁的椅子上，除有密集的啡色物體外，還反轉放有一個裝上白色機殼的手機，和一團紙團。
在的士上嘔到七彩，回應的網民驚呼「好核突，睇到圖都有味道」。有人形容為「歡樂噴泉」，嚴重程度是「核彈級數」、「核災難級別！」。有網民細心觀察災場環境，指「佢係全個地下同埋座位（嘔），真識揀，全部都中晒」、「好似啲貓狗打瀉了主人的避風塘炒蟹」，有人琢磨嘔吐物的原形可能是「Pizza（薄餅）材料」、「Pizza放題」。
不少網民都替的士司機不值，擔心影響生意之餘還要花費清潔——「清潔貴過車程」、「洗完都有陣味」、「成晚唔使接客」、「隔住個Mon（熒幕）都覺得臭」、「佢又識得嘔隔離喔，睇下佢個身幾乾淨」、「成晚咁就俾咗佢 ! 下更都唔知點算，嗰浸酸餿味繞樑三日」、「嘔到咁樣，通風都唔知要通幾多日呀，水浸咁，都仲未計心理陰影」、「究竟搞乜嘢可以去到咁嘅情況？我自己都揸車搵食，最怕遇到咁樣」。
四眼男「核災難級別」式狂嘔 的士後座噴滿嚇人嘔吐物逐張睇↓↓↓↓
網民安慰司機：當倒瀉碗粥
於是有人安慰司機指「當倒瀉碗粥囉⋯⋯」，但有人稱「倒瀉粥，陣味頂得順，但係嘔嗰陣味，係人都頂唔順呢…」，唯有當倒瀉「隔夜粥」。雖然樓主沒有提及四眼男的嘔吐原因，但有不少網民估計是不勝酒力，留言指：
•不自量力囉。明知酒量差，仲要學人劈酒，跟住歡樂噴泉都唔知邊個執手尾。
•講真，如果飲醉酒嘅話，最好就唔好搭的士，小弟曾經試過喺尖沙咀同朋友飲醉酒，我哋兩個人寧願喺條街嘔吐乾淨，證實冇嘢再嘔，跟住走咗去沖涼嗰啲桑拿浴室，之後先至搭的士返屋企，小弟認為做人真係唔好咁自私，錢係用多咗嘅，出嚟飲酒就預咗要用錢。
•真係好恐怖。其實我覺得如果自己知道飲咗好多、可能有機會會嘔，點解唔攞定兩個膠袋先上車？大可以去便利店俾錢買只係幾蚊，搞到依家咁，就算自行清理咗，人哋都做唔到生意啦！一係就坐埋一邊等自己散咁啲ok咗先上車。想知最後點處理？就算唔賠清潔費，起碼都要賠返日均收入俾人！
網民還稱「其實真係頂唔順，叫個司機停車有幾難？將心比己，自己部車俾人搞成咁會點？」、「有時都唔明啲人，點解唔嘔完上車，一係可以叫司機停一停車比佢嘔。高速公路就話冇辦法。其實周圍便利店買個袋好易，相信司機冇袋都會有洗車桶啩」。
資料來源：Kitty Chau＠facebook
相關閱讀：踩著嘔吐物搭港鐵 兩女乘客唔怕核突坐低慢慢傾 網民推斷：佢哋想ＸＸ↓↓↓↓
公眾地方有嘔吐物大家都避之則吉，但港鐵觀塘綫車廂早前卻出現令人匪夷所思一幕，兩名坐著的女子竟然踩著一攤懷疑嘔吐物在談天。樓主細思極恐，把拍得的照片上載至社交平台Threads，發帖向網民問個究竟，所得的答案更加叫人毛骨悚然，起一身雞皮↓↓↓↓
