上星期上港島太平山山頂凌霄閣欣賞《細看香港》微型藝術展開幕，今天的凌霄閣，前身係小時候長輩們口中的「老襯亭」，寓意太平山下老襯多。香港地老襯多，網絡騙案無日無之。求其是但在社交媒體聲稱自己係某名人畀投資貼士開投資群組，不少盲毛竟信以為真，乖乖就範真金白銀過數；現實中，兜口兜面問你\u651e又唔見你咁疏爽，網上睇條YouTube片，來歷不明、連廣東話都未\u564f得清楚，就虛張聲勢教人出入市「攻略」，或者用喊驚咁\u5605聲開班教短炒搵快錢，唔知\u5605嚇死，知\u5605會笑死。只怪不少港人依然以為炒股票可搵快錢致富，夢想不勞而獲。
一隻手掌拍唔響！以為香港地老襯多，其實老千更多，幾多人想用刀仔鋸大樹，結果連把刀仔都鋸斷\u5497。心存僥倖定力低的小貪貪，最易被請君入甕，淪為騙徒獵物。點解YouTube會用這麼多疑似充滿厭惡性的誇張宣傳廣告連環轟炸用戶？會否好心想逼用戶乖乖奉上Premium，遠離廣告減少受騙而已？
人怕出名豬怕肥，連《中年好聲音》歌手都被盜用了，以為找到了真愛的粉絲苦主，最初仍拒絕承認自己已受騙，對《東張西望》講到實牙實齒，堅稱自己係按這位歌手情人吩咐入金。同類騙案報警亦徒然，因騙徒往往已逃之夭夭，苦主亦難以追回金錢損失，更遑論被騙去的感情。
《溏心風暴》電視劇中司棋姐都有話：「耳聽三分假，眼看未為真」，不用真人面對面都成功吸金騙財，這位老千如能重返正途，好可能係成功的推銷員，閃避老千有乜橋，唯有醒少少。
