甚麼叫福至心靈？
幾天前葉子楣搞了一個飯局，跟一班傳媒人聯誼，座上客還有當日特別由廣州趕回來的老友陳欣健。
席間葉子楣構思了幾個遊戲，跟大家一起玩一起笑，與眾同樂，勝出的朋友會有現金利是獎賞。其中一個遊戲，叫「開口中」，在氣球裏面暗藏一個介乎1至100的號碼，每個人輪流捧著氣球放在眼前方，然後講出一個號碼，例如27號，下一個人便要接過氣球，由27至100裏面，猜估得獎號碼是幾多號？號碼不斷被縮窄範圍，一旦猜中了，氣球便會被工作人員遙控爆破，相當緊張刺激。
遊戲共玩五次，頭四次都由不同的人得獎，最後一輪，由陳欣健先開始玩。接過氣球後，陳欣健豪言說：「我要一擊即中！」葉子楣更笑說：「如果你咁都估得中，我獎夠你雙封大利是。」
陳欣健開始發揮幾十年前做過警察的查案頭腦，分析之前四個得獎號碼，期望從中找到線索。「之前都冇開過8字頭，我估今次一定係8的雙位數，例如83、88等等。」只見他認真地閉目思考了約十秒，便大聲嗌出「80號」，氣球應聲爆破，全場無不譁然。
要由1至100猜中一個號碼，或然率是百分一，難度相當高，幾近難過登天。我問陳欣健：「你今年81歲，點解會揀80號嘅？」他笑笑口表示全靠靈感。咁都估得中，有理由相信，他今年一定會由年頭旺到年尾，行正大運。哎呀！我真係走寶，忘記了請教他買六合彩或者3T有甚麼心得呢？