孫燕姿暌違12年回歸香港舞台，假啟德主場館舉行兩場孫燕姿《就在日落以後》巡迴演唱會香港站，昨晚首場演出，燕姿到港開騷一票難求，連「星爺」周星馳都出動搶飛，還搞笑地同燕姿重現《家有囍事》經典「老笠」場面，燕姿入戲被星爺「搶劫」，惹粉絲驚喜。
孫燕姿啟德演唱會門票在預售階段已被歌迷秒殺，連星爺都表示要搶一份，更估不到燕姿會同星爺影搞笑相。星爺在社交網上載自己以《家有囍事》角色常歡笠絲襪的經典「老笠」場面，「搶劫」孫燕姿，面對星爺擸蕉「指嚇」，燕姿一臉驚慌舉手投降好入戲，向粉絲投驚喜彈。
星爺發文笑言「搶飛」成功：「孫燕姿演唱會預售被搶購一空，我也是為世所逼才打劫演唱會門票，小朋友切勿模仿。最後我搶到10張票，我不難過了，懶得去管對錯，我很愉快。」
大批內地歌迷拉橫額應援
昨晚大批來自四川、河南、上海及福建的內地歌迷，提早到場外拉橫額為燕姿應援，高呼應援口號：「祝孫燕姿演唱會圓滿成功，旗開得勝！」有人拍攝大屏幕播放的演唱會廣告，又在演唱會海報前打卡，更有歌迷特意在商場設多個布景板打卡位，零售館內另設「啟開德勝」快閃空間讓粉絲留影。
燕姿首場演出全場爆滿，劉偉強導演也前來捧場；孫燕姿一身白色毛毛衫出場，首先唱經典歌《我要的幸福》，期間她大叫：「香港的朋友！」然後她除掉毛毛外套，展現白色閃石長裙，送上另一經典歌《超快感》。
當跳唱完《綠光》、《神奇》等快歌，燕姿盡顯誠意大騷半咸淡廣東話，問到歌迷有否掛念她，她坦言：「我都好掛住你哋，會唔會有啲肉麻？你哋鍾意，係唔係？我講廣東話係咪叻叻豬？」她再以廣東話問歌迷會否跟她一起唱每首歌，笑問大家是否聽懂，之後才轉講普通話笑言比較好。燕姿全晚不斷講廣東話與觀眾互動。
