《東周刊》早前爆姜濤去年底未甩「P牌」時撞毀60萬愛車，之後改揸平價日本車，昨日姜濤出席慈善演唱會記者會，承認新手駕駛一定有揩碰，叮囑大家小心駕駛，現時租日本車代步趁機試開不同車。隊友Jeremy笑言俾面姜濤，好想坐他的車。
姜濤坦言撞車已是很久前的事，自己沒事，只弄花了車身，有買保險，撞車也沒怕揸車，他指當時晚上在街邊，已忘了在哪裏，那天好攰，叮囑大家駕駛要小心，家人都擔心他，但認為新手揩揩碰碰一定有，愛驅仍在修理，故現時租用日本車，嘗試不同座駕。在旁的隊友李駿傑（Jeremy）被問到是否敢坐姜濤的車？他指姜濤現在應該有經驗，「俾少少面你，我好想坐呀！」
問到約滿後有意轉簽國際唱片公司開拓海外市場的傳言，姜濤否認並指好奇傳言來源，「我連聽日食咩都唔知，所以都係專心做好自己嘢先。」他不在乎發展地點，珍惜任何機會，只要有舞台就做，自己未有心思傾續約，現在只想做好今年的歌。提到「姜糖」（粉絲暱稱）投訴巡唱場地太細買不到票，姜濤自嘲並非好紅，有得去已開心，「我開到已好開心啦大佬！我真係冇關心Tour場地大細。」
想拍拖但未有對象
至於隊友邱士縉（Stanley）宣布訂婚，姜濤稱有獲邀去婚禮，但不敢做伴郎或兄弟，坦言羨慕對方。問到幾時成家立室？姜濤直言：「差唔多，將來點知，乜都有機會，所有都有可能。」更直認想拍拖，但未有對象。提到所屬公司MakerVille與商台破冰，姜濤稱聽公司安排，透露3月出新歌；至於游學修疑遭Viu封殺後晒姜濤合照反擊，姜濤指兩人私下有傾偈，但不清楚他是否被「雪」。早前率師弟《造星VI》三甲拍品牌宣傳照惹「黐金糠」之說，姜濤認為歌手令大眾開心是服務歌迷，不希望大家猜想。
新男團ZPOT成員Hannz有份跟師兄姜濤拍品牌宣傳照而被指「黐金糠」，他坦言視師兄為學習榜樣，很難避免被評論，現階段只想專注表演工作；談到粉絲暱稱「Light」被質疑抄襲，ZPOT指正式落實名稱「ZPOTLIGHT」，寓意希望如光一樣陪住他們成長。文：霍淇 圖：朱偉彥
