文:黃佩麗 圖:羅安強
韓國天團BIGBANG慶祝出道20周年展開世界巡唱,香港站BIGBANG 2026-2027 WORLD TOUR
韓國天團BIGBANG三子首先以一身黑白造型登場,跳唱《Fantastic Baby》打頭陣,全場尖叫一齊和唱,唱完第一首歌已大批粉絲興奮站起來跟偶像一齊跳唱。成員大聲和太陽特意用廣東話跟全場打招呼,大聲:「香港朋友好嗎?尖叫再大聲啲!」太陽:「大家好,我係太陽!Nice to meet you again!」
GD則以英文跟大家打招呼,他在彈結他演唱期間,唱到興起,型爆猛力掟結他!其後,GD和大聲一齊走落台,近距離為粉絲獻唱。
坤哥歎一票難求
昨晚眾星來朝聖,視后龔嘉欣和譚凱琪(Zoie)結伴睇騷,嘉欣坦言難得二人夾到時間,更難得BIGBANG到港開騷,Zoie直言首次睇韓團演唱會,想吸收其他舞台經驗,尤其BIGBANG跳唱皆精,嘉欣又笑言和Zoie有意開騷亦曾獲邀登台,她覺得可以但要先練歌,自爆鍾意唱大家都識得唱有共鳴的舊歌,Zoie也坦言現時較少聽新歌。
吳業坤孖日本太太愛子拍拖睇騷,初踏足啟德的坤哥是BIGBANG粉絲,坦言一票難求,難得有門票,之前看過GD演唱會但首次看BIGBANG齊人開騷,很久前周圍撲飛終於撲到,多謝善長仁翁給予門票。
DJ梁文禮同朋友一齊到啟德睇BIGBANG演唱會,他談到於2012年開始鍾意BIGBANG,曾到日本、台灣、韓國睇BIGBANG騷,聽聞在香港站唱新歌,之前有留意泰國站因大雨腰斬,幸好啟德主場館有蓋就不怕落雨濕身,觀眾可以盡興和安全,這日他特意著香港粉絲的服飾打扮,之前來啟德睇騷都有在啟德限定店買紀念品,這日也不例外,未入手的紀念品都會買。
大批歌迷一早到啟德打卡和選購心儀紀念品,港鐵啟德站的演唱會海報燈箱及啟德體育園出口長樓梯上的演唱會貼紙,吸引不少粉絲停步打卡。零售館2的大屏幕播演唱會宣傳片亦吸引大批粉絲拍攝。有粉絲製作吹氣應援手燈讓粉絲拍照,亦有粉絲派發自發製作的紀念品,有餐廳與歌迷會合作設置太陽的布景板供粉絲打卡。
演唱會周邊紀念品售賣點設於場館內,在開騷前已只餘下手燈有售,其他全售罄,但仍吸引搶購人龍。雖然開騷前已落微雨,但無阻粉絲在場內幾個打卡位排隊留影。









