娛樂圈好現實，現實到令人「唞唔到氣」！每年有十幾廿位新人加入，但又有十幾廿人被現實沖走，有人因為無成績無名氣退場，亦有人因為心灰意冷而離開。跳唱組合P1X3L始於2021年，由葉振弘（Marco）、歐鎮灝（George）、吳啟洋（Phoebus）組成，今年年中，經常被形容為溫室長大的成員Marco突以獨立身份發展，並推出新歌《難言之隱》，當中到底有甚麼想表達？
Marco受訪時明言：「無奈我唔敢亂說話！」此番話不是針對娛樂圈、或要對世界說些甚麼，而是Marco自己的一些內在想法和情緒，說出來亦不知道是好事還是壞事，因此才想到用歌曲來表達。歌詞中的「你」難道是指某人？Marco說︰「我想用作品來記錄我的感受，給10年後的自己看：哦？原來我這一刻做了這樣的決定！」重申歌詞中的「你」不是前度或情人，而是工作上遇過的幕前幕後，「我是一個受保護的人，受到兩位哥哥（隊友）的保護，受到公司的保護。我是在一個好安全的環境下成長，在溫室中長大。依家我就要承受冇咗防護罩的真實世界！」離開了溫室，Marco的第一個挑戰便是自資出歌，一手一腳完成所有事。
開音樂會幫補
出一首歌需要多少錢？Marco坦言：「做完先知要咁多錢！」並透露一開始沒有概念，從曲詞編監、後期、宣傳、派台加起來才見到真實數字，笑言：「6位頭啦！但未至中間。」樂壇是夢想的搖籃，亦可能是亂葬崗，Marco道出一個現實︰出歌圓夢也要「睇餸食飯」！花錢做歌出歌，要賺得回來才有下一首作品，若蝕錢的話，下一次就不能這麼奢侈，MV就只能自己剪，搵朋友簡單製作。明日11月14日Marco將辦小型音樂會，他呼籲粉絲入場支持，笑言要「補返多少」：「以前返唔到數，最多唔出下一首歌，由公司承擔；依家冇就係冇，要自己孭啦！」
Marco離開MakerVille後，參演HOYTV新處境劇《你的保安李寶安》，來年或有賀歲片上映。隊友Phoebus、George亦各有各發展，不少網民形容「P1X3L已死」。被問到P1X3L是名存實亡？Marco沉默良久，坦言：「唔知我有乜嘢資格去接受咁多人嘅鼓勵，我覺得自己好幸運。」他續說：「你哋話P1X3L已死？我只能夠同你講，P1X3L未死呀！P1X3L仲喺度！未死！你哋會等到我哋再變得更強嘅一日！我希望證明：你哋睇錯咗喇！我係邊個？我仲係P1X3L嘅Marco！」繼續追夢的Marco，沒有跟隨屋企人、經營飲食業，他自覺已長大了，跳出舒適圈，決定以實力走出自己的路，26歲再重新出發也未遲。文：林朗勞 圖：朱偉彥 場地提供：尖沙咀帝苑酒店
