今日標題講邊個？其實個個圈子都有這種情況出現。
任何名利圈，尤其球圈、馬圈及演藝圈，百分百跟紅頂白，只講今天的價值，以往？乜嚟㗎？入得這些圈子，自應知道其生態，任何時間都應知所進退，切勿眷戀昔日風光。
所以，當你有市場價值時，鍊價鍊到盡啦，應該㗎。反之，再冇價值時，應早早自己抽身，趁仍有丁點光彩時講再見。
早前我提及練馬師丁冠豪，睇走勢，根本無機會再翻身了，手上子彈（馬匹）只得三十幾顆，咁弱雞，肯定不會再有潛質勁馬加盟，反之，倉內略有前景的馬，將會一匹一匹被拉走，這個也難怪馬主們，大佬，個個月畀七萬、八萬元你養馬而無得拉頭馬，可以忍幾耐？
故此，丁仔還是趁未被「剝光豬」，主動交還牌照，再與馬會商討可有其他適合工作（例如做從化或上水馬房經理之類），做到退休。
上周國際球圈又有一位昔日巨星，因不知進退，慘，由英雄變狗熊。邊個？你一定知啦！正是C朗拿度。
我五年前當佢36歲時，已公開呼籲快急流勇退，切勿留戀僅有的光輝，因人人敵不過大自然，故體能必定下降，與其被棄用，不如主動轉跑道，或似碧咸般學做班主，也可考慮做教練。
點知佢賴下一年，賴下又一年，終於上周與葡萄牙教練捷西斯反大面，因決定棄用佢。
現實結果，冇咗C朗拿度，葡萄牙即時生晒贏波，死未？咁收場，肯定連廣告價值也必插水，不智！
今晚快活谷異象，一直唔郁的「大哥大」告東尼，突然大舉出擊，當中「東來欣賞」、「嘉應勇將」、「佐治傳奇」可能W，「爆笑」及「竣誠駒」則有機會P，最佳策略，頭三隻三穿七W，然後五穿十P。