曾智華
今屆美國中期選舉，德薩斯州萬眾矚目，因有一位37歲「冉冉上升的政治新星」冒出，年輕、正氣、英俊、口才絕佳，背景為教師，全無老油條政棍的利益聯繫。公布參選後，任何活動及演說，逢請必到，傳媒訪問也如是，此爆紅新星名James Talarico。
香港電視新聞中，佢完全失蹤，難明點解個個本地傳媒都走眼（刻意？）。
更離奇，美國電視台也如是，基於佢太勁，共和黨所有掌權者都希望James消失於大氣電波中，故施以最大壓力，逼美國聯邦通訊委員會出手，禁止佢嘅訪問在大氣電波播出。
不過，今時今日，你話睇電視人多，定上網到社交平台睇片者多？
傳媒ABC，你禁，等於助長更龐大宣傳！結果，James近月紅到發紫。
咁，佢對手係邊個？重量級，正是德薩斯州總檢察長帕克斯頓（Ken Paxton），此君律師出身，63歲，睇背景，100%政界老狐狸，黑材料多不勝數，包括被起訴欺詐、濫權、受賄、疏忽職守、虛假陳述⋯…
點解竟然做到總檢察長？似唔似美國總統特朗普？這是否美國現代政治特色？
帕克斯頓乃法律專才，故最懂得玩法律，而佢因「道德底線甚低」，故大把有錢佬買佢撐佢，資助佢選舉。
今次大件事，因遇上個年輕極具觀眾緣，又正氣十足的政治新星，拋出針對佢的問題，條條攞命，包括：一、你作為公務員，點解有十五座豪宅，錢從何來？二、你點解凡見記者就縮，唔敢面對？三、點解媒體選舉辯論，你一個都唔敢出席，究竟怕乜（我）？四、點解你偷筆？（曾畀CCTV拍到佢將別人遺下的名貴墨水筆據為己有）？
點答呀？