王丹妮爆女兒係忠粉 唔介意對方入行：自由發揮！

王丹妮昨日出席《10.1半價睇好戲》活動，到港九新界各地派爆谷，她表示每逢假日都會去睇戲，特別是到油麻地一間戲院睇文藝片，亦喜歡一個人睇戲，若然睇笑片就會約一大班朋友，跟女兒睇戲也會睇動畫片。談到睇愛情片，王丹妮笑說：「我會帶另一半，『你睇嚇人哋』，哈哈，睇嚇可唔可以感染佢！」更透露女兒是自己的忠實粉絲，演出的大部分電影女兒都有睇，連女兒同學都話有睇她演出的戲。談到女兒會否想入行？王丹妮表示會尊重女兒的意向，女兒亦好有目標，知道日後想做甚麼工作，她說：「小朋友依家呢刻有呢個目標，就會向嗰個目標進發，我細個啲目標會不停咁變，俾啲空間佢自由發揮！」問到女兒可會跟男仔去睇戲？王丹妮表示女兒年紀尚小，未有這方面的事，又笑言女兒只可跟她一同睇戲。