月台打卡遭保安喝止

人人有手機，見到有趣或特別嘅事物，自然會想舉機拍攝留念。不過，近日有市民喺深圳地鐵站內拍照，竟然遭到站內保安阻止。事件隨即引起網民熱議，究竟深圳地鐵範圍係咪唔可以影相？

市民質疑無提示

據南方都市報旗下「奧一新聞」報道，有市民表示，去年12月21日前往光明農場大觀園遊玩，首次乘坐地鐵6號線支線，覺得「碧眼」呢個站名好好聽，於是喺地鐵站月台內對住站名拍攝。點知，有地鐵保安發現佢拍照，一邊行近一邊高聲制止：「你拍甚麼，拍甚麼？站台不讓拍照。」市民初時以為保安會要求刪除照片，於是向對方展示手機，保安見狀無再多言，隨即行開。該市民質疑，如果深圳地鐵月台範圍真係禁止拍照，點解站內完全見唔到相關提示？

官方回應與後續處理

深圳地鐵集團日前作出回應，表示根據有關規定，喺城市軌道交通設施範圍內拍攝影片影像或者廣告等活動，如果可能對正常運營秩序造成影響，就應該事先徵得運營單位同意。針對今次事件中安保人員服務態度同解釋工作唔到位嘅情況，深圳地鐵集團表示，下一步會做好保安人員嘅專項培訓工作。

相關新聞:

深圳地鐵4線齊發！羅湖直達東門商圈，港人北上更便捷 【離譜父母】外國夫婦為坐纜車 竟將龍鳳胎「寄存」保安 熱心遊客幫手換片氹BB 震驚！鄭州男子銀行門前遭搶劫打盲，銀行竟袖手旁觀？ 自提點變「街頭尋寶」？直擊保安扣貨風波，不付「贖金」包裹當垃圾！