文：林朗勞 圖：朱偉彥
MC張天賦早前出席音樂大賞，事後其唱片公司高層則分享MC與韓團TOMORROW X TOGETHER（TXT）在後台同框的影片，片中身高只有168.5cm的MC，與平均身高超過181cm的TXT合照時要企上道具箱，因此被網民取笑，MC昨日出席活動時就坦言不介意，最緊要大家睇得開心。同場的吳雨霏（Kary）就坦言成為寄養家庭是「人生checklist」。
MC張天賦昨日出席品牌活動，提到早前出席音樂大賞時，與韓團TXT拍片企箱被網民笑，他說：「我諗住咁近就不如俾個箱我企，我可以高啲，搵遠啲就見到我企箱，幽默吓搞笑吓。點知個箱太高，就做唔到嗰個效果！」對於韓團TXT成員們後來張開腿遷就MC的高度，他就指不尷尬：「拍得就唔怕，最緊要大家睇得開心。」至於是否考慮到韓國發展？他表示韓文要進修，但「有機會冇壞」，又指自從演唱會後肥了4kg，現時要減磅再食雞胸肉，被問日後演唱會會否再除衫「騷肌」？MC就表示「隨緣」。
復出樂壇無期
已有三名小孩的Kary在活動中談及自己成為了寄養家庭，雖然家中現在好嘈，但覺得開心，又透露自己一直有成為寄養家庭的想法：「同先生討論過好多年，覺得有能力的話，就去幫一些有需要的小朋友，都冇諗過咁開心！」她坦言新成員與家中的三個小孩相處十分融洽，年紀最細的小朋友一開始感覺一般，但現在已十分不捨，希望新成員留在家中，更表示：「講到就眼濕濕。」又透露成為寄養家庭是「人生checklist」。至於會否「生多個」，她坦言：「我覺得呢個小朋友走咗之後，我要啲時間康復，因為唔知對我同小朋友有咩影響，一步一步嚟。」提到多年來一直有歌迷希望她復出，Kary回答：「點搞？多謝！」笑言不時都有表演，最重要是按自己的步伐去做，亦感激大家一直支持。
