譚詠麟滿意未來新抱 溫提歌迷勿買黃牛飛

文：林朗勞 圖：林賓尼

「樂壇校長」譚詠麟將於9月舉行《刻骨銘心》世界巡迴演唱會香港站，昨日選在他生日的大日子，在尖沙咀舉行快閃店揭幕，快閃店以奢華黑金色調為主軸，採用全透明玻璃外牆設計，店內設計充滿音樂殿堂的氛圍。

譚詠麟表示最近已有朋友與他慶祝生日：「有宴會，有飯局又有蛋糕，所以今日靜靜同朋友喺屋企撐枱腳，打牌。」他透露自己減了將近17磅，被問到兒子有沒有返港支持？他即避談：「多謝。」問到生日願望，譚詠麟表示想保持神秘，被問到是否想抱孫，疑被開口中的他即說：「邊有咁快呀。（想唔想？）都未結婚，邊有咁快。（有女朋友？）梗係有啦。（見過？）見過，經常見。（係咪外國人？）多謝關心。（滿唔滿意未來新抱？）幾好。（香港定外國人？）同音樂一樣無國界。（會唔會返嚟睇騷？）多謝關心，我都唔知佢睇邊場。」話題回到演唱會，譚詠麟叮囑樂迷不要買黃牛飛。