MIRROR成員陳卓賢（Ian）在啟德體藝館舉行九場《IAN CHAN：GROWTH LIVE 2026》演唱會，每晚為觀眾帶來盲盒式不同主題演出，前晚來到第七場，揭開主題為「Miracle Night（奇蹟之夜）」，奇蹟果然出現，觀眾席最貴票區離奇驚現大批空櫈，Ian見狀臨場邀後排觀眾「免費升級」座位，為大家帶來「大奇蹟夜」！
前晚網上洗版式瘋傳Ian啟德演唱會最前排$1280票區竟然空無一人，網民熱議疑有贊助商疏忽派漏門票給顧客，有人留言聲稱：「Ho amazing，心臟受唔住啦！」事緣Ian發現前排觀眾席驚現大批空櫈時未亂陣腳，高EQ發揮急才，親邀$980票區的觀眾「免費升級」到$1280票區，Ian更安排在山頂的觀眾坐前：「你哋坐咁高不如坐落嚟！我會等你哋，我𠵱家唔會唱住。」在現場保安配合下，Hellosss（粉絲暱稱）和觀眾有序「大遷徙」，贏得粉絲和觀眾大讚「善良、溫柔、有智慧」，如當晚演出主題真正為大家締造了奇蹟之夜。
自覺啟德開騷是奇蹟
Ian同觀眾互動時也借題發揮幽默本色搞笑：「有個客買咗我哋嘅飛，留到今日竟然冇交到俾觀眾，奇蹟日乜都發生，我哋俾啲掌聲佢。我尋晚仲特登問公司攞幾張飛，佢都話冇，總之俾我喇！」他亦表示只要相信奇蹟就會發生，坦言自己十年前仍是運動員，今日能在啟德開個唱，他覺得是個奇蹟，「所以其實咩都可能發生嘅。大家都可以將目光放遠啲，大家下一個十年，會想有啲咩奇蹟發生，𠵱家就可以開始相信嗰樣嘢。我相信就會一步一步一步去發生。」
文：娛樂組
