早前《東周刊》直擊蔡思貝出席活動時，不停陪笑狂冧老闆。前晚蔡思貝現身活動時解釋，現在做生意靠自己，就算跟客戶接觸都要知道細節，傾偈好正常。至於會否簽約成為周星馳旗下「星女郎」？蔡思貝直指，要看看星爺的誠意了。文：鄺芷瑩 圖：羅安強
早前《東周刊》直擊蔡思貝出席活動時，不停陪笑狂冧老闆，前晚蔡思貝出席《Hello Kitty 設計師山口裕子老師簽名會》，被問到自由身的她親自接工作要電老闆？她笑說：「依家做生意靠自己，就算我同啲客接觸都要知道細節，傾偈好正常。（需要冧客？）唔需要，做嘢就做嘢。」
談到可有公司向她招手？思貝坦言有不同公司接洽，但暫時都是自己做。至於可會成為周星馳旗下「星女郎」？她表示仍洽談中，被問成數是否高？她說：「睇下佢誠意囉！（要咩打動你，例如：作品、錢？）唔揀啦！」
對於有份演出的星爺新片《功夫女足》票房突破18億人民幣，成為億萬票房女星，蔡思貝坦言是團隊及周星馳的功勞，希望該片可衝破50億票房會更加開心。她又指雖然電影仍未在香港上映，但希望大家會喜歡自己所飾演的角色「孖八」，又表示聽聞《功夫女足》會開part 2，自己亦好期待。
此外，蔡思貝覺得周星馳厲害是創作出觸碰心靈的電影，她說：「睇啲留言真係睇到喊，因為啲人好自覺支持，嗰種愛實在太熱血啦！如果啲人鍾意我，自發性支持我嘅作品，我會日日感動到喊！」她又指希望憑演出此角色，為她帶來更多好角色和劇本，更笑言片酬一定有商量。
