胡定欣西葡旅行唔當蜜月 未有造人大計

胡定欣昨日出席慈善活動，對於早前剛與老公、陳山聰夫婦及單立文（豹哥）、胡蓓蔚（豹嫂）到西班牙及葡萄牙旅遊，定欣表示提前半年決定買機票出行，陳山聰更在街上火速以數分鐘完成購票程序，但定欣笑指不算是蜜月的一部分，亦沒有努力造人，大家都住在隔籬房。

提到旅行時的比堅尼照被豹嫂曝光到社交網，定欣笑指上載前有審視過：「喺香港著比堅尼機會好微，喺西班牙可以放鬆啲。（你有福利照？）要好fit先得，我收埋自己睇算！（老公不准上載？）咁又冇，佢唔會理我。如果比堅尼唔會搵佢操刀，水準要好高。」又笑指老公每次影相都好大壓力，因為自己要求高又識影相。談到工作，定欣表示旅行前已完成新歌灌錄，將會拍MV，亦接拍一部電影，會和影帝太保及影后鮑起靜合作。