星爺教細路，一句話︰「仲踢波？」
老前輩是中環成功人士，佢話後生仔要立好志向，於是教落大家有三件事，一定要有生之年完成︰一是住到至少半山，二是家財三千萬。「大哥，第三樣係乜？唔係環球世界嚇哇？」想當年是中國改革之初，香港進入黃金年代，如果達成了前兩項目標，表示你已經是好穩陣的中產人士，咁，有錢有閒就要至少一次專程搭飛機、住靚酒店，欣賞四年一度的世界盃決賽周，如是者，人生先至圓滿，冇咁俗氣。
好快又四年，今屆似乎「跌曬Watt」，開場氣氛很好，但係音響「蝦碌」，最慘係波飛不單止無人炒，還要大把飛剩，呢個唔係我熟悉嘅世界盃。朋友茶敘無所不談，今次無人講波經，話題竟然是「全球化」。
真係星爺講得啱，「網絡社群中，當有人在不適當的時機或沉迷舊愛好時，大家就會用『仲踢波』吐槽對方」，意思是：「都甚麼時候了，還在搞這個？」
近年國際矛盾太深，民粹興起，全球化光芒不再，以前世界盃高唱友誼、世界大同，依家好少人講呢啲，聽講今屆個別參賽球隊，球員入境好困難，又好煩，一是保安問題；二是政治問題，搞來搞去，搞到一鑊粥。
想當年，中國足球在亞洲薄有名氣，能打敗日本與韓國隊，跟香港有得揮，不過，俱往矣，現在唯有寄望中國U12少年隊爭爭氣氣，2030年揚威世界。說著說著，老友當頭棒喝︰「仲踢波？」大家哈哈苦笑，無言了。