(黃秉華)
中國面對貿易戰，現在可謂小菜一碟，用香港人話講「一覽眾山小」嘛，事關地表最強的軍事、外文、經濟、科技大國，與華硬碰了幾十個回合，結果呢？今天遇見中國強勢，摸摸鼻哥就閃過去——美國海軍表示，為確有足夠彈藥應付伊朗戰爭，美國對台灣暫停了140億美元的軍售——想起魯迅說的︰「當有一天，你發現周圍的人，變得客氣了，不是他善良了，而是你的實力變強了。」信焉。
「又唔係咁講，以上係Yes and No啦。」大師兄糾正我的說法。事緣歐洲諸國正鼓吹通過徵收更高關稅來對付中國，因為中國對歐洲造成巨大貿易逆差，聽講，法國總統馬克龍提出過去美國先至有實力執行的「301關稅」，用以作為制華工具云云。如是者，北京官媒《環球時報》好唔客氣咁話︰歐盟不該打也打不起「對華貿易戰」。
中環隱世股神點評︰中國最叻打「不該友」。嘩，你想講邊個邊個係「不該友」？「我唔係針對邊個邊個，我係話在座各位中國對家啫。」股神話華為用「韜定律」翻轉矽谷，國產晶片有運行，美國都頭大，何況歐洲。「你估真係大衛巨人對哥利亞乎？」不過，大師兄堅持話，一眾「小山」要打貿易戰，有志者事竟成。
講時講，蘇俄上世紀五十年代叫停全部在華工業支援，中國照樣做出了兩彈一星，點解？溫拿話齋「齊心就事成」。有那麼簡單嗎？係。講，就好似簡單，最難係講得到又做得到，唔簡單㗎！