黃秉華
我呢位阿公輩朋友，早年英國留學，不過，佢老人家最憎人事事以環保行先，尤其不滿飲管變紙管、冷氣調校到攝氏26度。
「阿公，聽講你祖家BBC電台碰撞中國治沙工程，搞到好無癮噃。」事緣中國近年把沙漠變成綠洲之創舉，不單無人推薦獲得諾貝爾自然科學獎，BBC仲要以科學態度作出批判︰「在沙漠植樹造林可能會對地球生態環境產生負面影響的結論」，結果？好尷尬囉。
阿公先來糾正大家「我是中國人」，然後一貫「環保怒火先鋒」的戰鬥格，指出有乜有物唔合西方利益，西方例有環保專家出來「說三道四」——即是口噏噏扮科學。
「你不如叫大家返去石器時代揼石仔。」講句公道話，地球需要「進步與生態平衡」，你可以拒絕用紙管飲凍檸茶，但唔可以增加地球負擔。BBC提出——中國搞沙漠綠化可能造成︰一、地下水資源枯竭，在乾旱沙漠種植不適宜的樹木，愛你變成害你；二、生物多樣性失衡：如果種植種類過於單一，將無法提供自然的生態鏈支撐；三、沙漠原本淺色表面能反射更多陽光。大面積覆蓋深色，可能會吸收更多熱量，在局部地區產生升溫效應——你話有無道理吖？
「即係話，搞咁大壇建設，其實中國無考慮清楚啫。」改造沙漠咁大件事，至少問吓唔同人的科學建議嘛！明解，不過，英國近半世紀除開創了AI以來，少有重大科學突破，無調查無發言權，何況建設？阿公，飲啖茶食個包先，食完再鬧。