沙田馬鞍山一名77歲老翁日前在新港城3期地下一列店鋪對開跌傷頭部，在情況緊急下，附近診所的醫生立馬衝出協助救援，燃亮人性光輝的一刻被網民捕捉下來。
相關閱讀：港女求醫疑索「兩日假紙」遭拒走數 涉事醫師出Po：請不要挑戰我的專業！
馬鞍山仁醫衝出診所救跌倒伯伯逐張睇 ＋ 網民大讚↓↓↓↓
讀者：香港需要正能量新聞
有讀者在網上見到這宗仁醫衝出診所救人的好人好事，特地向《星島頭條》報料，指「香港需要你多啲報道呢種正能量嘅新聞」。
facebook群組「馬鞍山之友 2.0」版主早前以「（2月10日）12:36新港城3期。應該是伯伯跌到。剛見到黄偉彪醫生由佢診所衝出來救人」為題，轉載街坊拍得的醫生救人照片。
現場為鞍誠街休憩處旁，相中見到有人倒臥地上，穿白袍戴眼鏡的醫生正落力拯救，旁邊有一名男子在協助，兩人身後有路人圍觀。警方指，事主暈倒地上跌傷頭部，清醒後表示不小心跌倒，事後已送沙田威爾斯親王醫院治理。
回應的網民均大讚出手相助的診所醫生「仁心仁術」，也「謝謝那位通知幫忙嘅好人」，指「香港人好有愛啊」。
相關閱讀：內地醫生親歷香港救護車送院 5大「用後評價」惹熱議：「其實不是想像中那樣」
馬鞍山仁醫衝出診所救跌倒伯伯逐張睇 ＋ 網民大讚↓↓↓↓
街坊點名大讚仁醫
相中的仁醫更獲回應的街坊點名大讚好人：
「有醫德嘅醫生」、
「佢真係好好，黃醫生」、
「他在新港城埶業超過20年」、
「黃醫生真係好好，又唔拖症」、
「黃醫生好好人，收費亦好合理」、
「多謝黃偉彪醫生，我全家都睇佢」、
「黃偉彪醫生堅好人品，診症又細心」、
「佢真係好好人㗎，對小朋友好有耐性」、
「以前我喺佢診所隔籬返工～真係幾好㗎」、
「黃醫生仁心仁術，一家都睇佢，唔會收超貴」、
「呢個醫生，在早期新冠病毒其他醫生不敢睇佢都照執業」、
「黃醫生很好，以前來我公司做外展醫生。非常nice（好）」、
「20年前，我差唔多每天都遇到黃醫生，他不認識我，主動和我打招呼，是一位溫文爾雅醫生」、
「黃醫生真係好有醫德，會將醫助病人放在首位，我都好感謝他COVID時都照睇患者，流感高峰更不用說，而且收費真係好合理」。
有舊街坊更揚言「黃醫生真係好好，對病人細心仔細，又nice（好）！我依家搬咗去九龍，但有咩頭暈身㷫都係返馬鞍山睇黃醫生」，另有人感謝街坊報料，稱「成日經過3期竟然唔知有一位咁好的醫生，多謝分享」。
相關閱讀：「街坊仁醫」服務梅窩40年突離世 病人湧FB留言揭暖心點滴：「香港少有嘅好醫生！」↓↓↓↓
