港男實測深圳¥29洗牙¥1980植牙 港牙醫震驚指犯三大錯：「無臉癱真係已經好彩！」｜Juicy叮

有港男帶同家人實測，在深圳以¥29（約港幣$31）洗牙，和¥1980（約港幣$2131）植牙，實拍畫面曝光後，有多名本港牙醫拆解指，過程中，有關深圳牙醫犯三大錯誤，港男「無臉癱真係已經好彩」。

該港男以「黑糯米」的網名，近日在Youtube上載，實測到深圳一間牙科診所做植牙（種牙）、剝智慧齒、洗牙的全過程，價格僅香港10分之1，除了自己，他還帶同外父、外母進行實測。

他表示，今次是受該間診所邀請，因此可拍攝治療的全過程，但強調，絶非廣告，自己是「真金白銀俾錢」。以下是實測全過程，與及港牙醫拆解當中多個謬誤之處：

實測深圳廉價整牙！港牙醫拆解犯以下三大錯：可能臉癱！↓↓↓↓

實測深圳廉價整牙！港牙醫拆解犯以下三大錯：可能臉癱！

港人北上深圳睇牙漸成風氣，網上有不少人揚言「平靚正」。

港男「黑糯米」近日實拍到深圳一間牙科診所，實測植牙（種牙）、剝智慧齒及洗牙。

除他本人外，更帶同外父及外母，一同做實測。

這間深圳牙科診所，收費僅香港10分之1。

洗牙¥29（約港幣$31）；植牙¥1980（約港幣$2131）。

他們到達後，先做照CT等檢查。

原來在這診所首次照CT，是免費的。

而且，首次求診，他們由福田搭的士到來的交通費，可向診所報銷。

負責的牙醫，先查詢各人病歷。

牙醫拿著兩枝棉花棒，為外父即時檢查口腔。

其後再觀看X光片，講解可行治療方案。

檢查完畢，再由診所主管報價。

港男表示，報價沒有硬銷的情況。

牙科治療開始前，先量血壓和檢查血糖。

首先，港男剝兩隻智慧齒。

他右下智慧齒，牙腳尖有倒鈎，醫生沒有開刀下硬剝。

他表示，當時非常痛，最後成功剝下，但牙齒腳尖斷裂。

該牙醫表示，殘留的腳尖，會慢慢和牙骨融合，不建議取出。

港男說：「成個（剝牙）過程用咗15分鐘，解決咗我30幾年嘅煩惱。」

他評價說：「佢（牙醫）嘅手勢都OK喎，全程竟然唔使開刀，亦都唔使聯針。」

接著到港男外母，她今次先種3隻牙。

港男計時，種3隻牙，全程只用了36分鐘。

港男說：「點解咁快嘅？……大概7個字嘅時間，就種完三隻牙出返嚟喇。」

他說：「咁有效率嘅？乜種牙，可以快成咁嘅咩，我都係依家先知。」

港男外父因血糖超標，一星期後，再到診所種牙。

外父做治療時，全程量著血壓，又先消毒口腔。

他事後說，今次種牙，一次過打四條樁，「香港唔會咁做。」

港男展示「成棚牙」，指¥29洗牙，「洗得好乾淨。」

外父外母的植牙效果，因要長時間才見真章，他承諾「一年之後會再出片分享結果」。

最後埋單，3人共付款¥43,860（約港幣$47,209）

金額具體明細：港男剝智慧齒：¥2,380（約港幣$2,561）;其外父植8隻牙：¥25,220（約港幣$27,145）;其外母植6隻牙：¥16,260（約港幣$17,501）

他強調絶非廣告，4萬多元是自己「真金白銀俾錢」。

拆解深圳整牙，港牙醫指過程疑有三大錯：

港男實測片曝光後，3名未有透露姓名的本港牙醫，留言詳細拆解當中問題，指有三大錯：

（1）牙醫感染控制意識薄弱

港牙醫指：「（該深圳牙科診所）衛生情況，係全部嘢都包晒焗袋，」

「但佢（該深圳牙醫）手套都唔戴，工具都唔攞就幫你哋檢查，」

「而幫你剝牙嗰個醫生，連手套都無戴就郁盞牙櫈燈，」

「轉過頭就用手套掂返同一位置，再幫你做手術…」

「可想而知，背後佢哋infection control（感染控制）嘅意識，都仲係薄弱。」

（2）無開刀剝智慧齒，隨時臉癱

港牙醫指：「（港男）右下智慧牙腳尖有倒鈎，仲咁近神經線，」

「佢地（該深圳牙醫）竟然唔開刀，就同你直接夾硬剝，腳尖當然會斷！」

「神經線無受影響，無臉癱真係已經好彩。」「你條神經線冇斷都偷笑。」

「你（港男）既智齒咁近神經線，一定要切開隻牙拆件剝。」

「神經線受壓，就有機會出現臨時或永久性麻痺，你願意為平幾千蚊冒呢個風險？」

「佢（該深圳牙醫）解釋時，竟然話無所謂？？的確大部份情況腳尖斷裂，未必會引起問題，」

「但如果係肯正常開刀處理……好可能可以順利剝出成隻牙根，又避得開神經線創傷，無後顧之憂。」

（3）種牙位置角度不理想，令植體有牙周病風險

港牙醫指：「（港男）外母六枝植體，基本上位置角度都唔係理想，會影響日後清潔。」

「種牙唔係一了百了，植體亦會有牙周病風險，而且會比真牙更加難處理。」

「只係初期完成一般唔會感覺有咩問題，但當清潔困難引發植體牙周炎……」

「到時就算想再種過，亦會因牙骨被嚴重破壞而好難再種。」

該港男其後回應港牙醫留言，表示：「咁驚，多謝你提醒。」

港牙醫分享 「執手尾」經歷

港牙醫又留言分享，「無數次」為北上整牙的公公婆婆「執手尾」的經歷。

他說：「……上去一兩次飲個茶、食個飯，就可能無咩所謂，但整牙咁緊要，真係要搏？」

「香港租貴人工貴，無可避免睇牙價錢，亦會較內地貴，」

「希望各位市民考慮清楚，健康係無價既，搞衰咗唔一定救得返。」

「例如，有缺失牙而經濟上又負擔唔到，寧願唔做/做活動假牙，」

「都唔好返內地夾硬做鑲緊/植牙，事後出事好難搞。」

「以往已經幫過無數個公公婆婆，要剝晒全口既牙齒，」

「就因為佢地唔識，走返大陸搭全口牙橋，」

「結果全部牙都累死晒，到最後逼住做全口活動假牙……已經返唔到轉頭。」

「自己都有兩三次北上消費……的確感覺佢地既服務態度，係真係好，」

「呢點係所有香港人，都真係要學習，包括本地診所醫生姑娘。」

實拍片看到，港男在該間深圳牙科診所整牙，流程飛快，其中事主剝兩隻智慧齒，僅需15分鐘，連港男亦嘖嘖稱奇：「手勢都OK喎，而且唔使開刀、聯線。」

至於事主的外母，在現場臨時決定植3隻牙，可以即時進行，而且僅用了36分鐘，事主大為詫異：「點解咁快嘅？……咁有效率嘅，乜種牙可以快成咁，我依家先知。」

36分鐘植3隻牙 事主：「咁有效率嘅！」

有關實測影片引發網民熱議，有3名本港牙醫留言詳盡分析，直指過程中多處反映該深圳牙科診所醫生「infection control（感染控制）既意識都仲係薄弱」，而且內容有誤導的牙科知識，「錯誤嘅野唔好教壞大眾。」

港人北上睇牙11大須知！有呢啲特徵可能是黑店警號…↓↓↓↓↓↓↓↓

港人北上睇牙11大須知！有呢啲特徵可能是黑店警號…

綜合網民中伏經驗，港人北上睇牙，要留意以下事項：

「優惠價」過平，小心將貨就價。

標榜快手，如「即剝即種」，可能只省減了正常治療程序。

熟人介紹，但過關後，即有中間人接頭帶領，小心誤入黑店。

診所內的「諮詢師」，可能是銷售員，強加不少額外收費項目。

小心自稱「醫院牙科」，有可能是私立醫院或醫美醫院，因為內地公立醫院不可做廣告宣傳。

小心落重廣告牙科診所，卻收費便宜，舖天蓋地廣告，成本從何而來？

報價時，要留意有無隱藏收費。

報價時，小心遊說加碼治療，有港人曾被遊說做「全口重建」，埋單10萬人民幣。

診所只有全科執業醫生，沒有像香港般分專科，

有些特別專門的，如口腔頜面外科專科、牙周治療科專科、牙髓治療科專科、兒童齒科專科等，就不如香港般專業。

留意有否營業證書、醫療執業證書、政府註冊文件、牙醫資格等。

留意牙醫診所有否提供手術後護理服務，

例如種牙之後會否提供終身保養，牙套、補牙保養期等。

他們表示，對於事主今次實測，「作為一位香港牙醫，我真係為你擔心。」「神經線無受影響，無臉癱，真係已經好彩。」

「好彩嘅係，相信你都仲可以負擔到香港專科既費用，將來有事，可以用返幾十倍價錢，叫人執手尾。」「我勸喻普通人都係搵個香港普通牙醫，進行較高風險程序，買多份保障。」

同場加映：實測男星好色程度 美女試探即露本色？…↓↓↓↓

實測男星好色程度 美女試探即露本色？

男星私下與美女獨處有多鹹濕？台灣綜藝節目《小明星大跟班》進行實測。

首位實測的是當地藝人大根

當美女在面前走過，即看過不停

美女坐下，他竟偷看其胸部。

這時美女突要大根幫手沬身上的水漬。

大根有點尷尬

最後他一口拒絕

美女表示不見了項鍊，刻意將大根的目光引向胸口

美女懷疑項鍊掉進衣服內，要大根幫忙看看

大根最後答允幫忙看

看完後也忍不住尷尬地笑

第二位實測台灣藝人馬力歐

美女表示認識馬力歐，是她的粉絲，想和他合照，馬力歐一口答應。

這時美女忽然不小心跌倒，撞向馬力歐。

美女表示抱歉

美女要求馬力歐在胸口前做心心。

馬力歐一一照做

另一位受測台灣藝人是鯰魚哥（林建予），美女突然向鯰魚哥（林建予）投懷送抱。

美女突然哭了，投向鯰魚哥（林建予）懷中

鯰魚哥（林建予）一面尷尬

鯰魚哥（林建予）竟把手搭向美女

鯰魚哥（林建予）還露出一面享受的笑容

另一位受測的是台灣藝人楊昇達，美女在楊昇達面前變腰，楊昇達忍不住目光停留在其胸部。

美女這時拿出蛋糕，表示要慶祝生日。

要求楊昇達代吹蠟燭

期間，楊昇達教美女如何自行用舌頭沬去面上奶油。

楊昇達示範時表情超怪異

亦有點猥褻

嘉賓批評楊昇達變態

該港男回應港牙醫警告時表示：「咁驚，多謝你提醒。」「好多謝你意見，正因為係實測，所以過程無包裝全公開，有咩問題都可以俾大家睇到。」他又承諾「一年之後會再出片分享結果」。

對於有網民請事主介紹深圳牙科診所「有冇小朋友洗牙補牙等我帶埋阿仔一齊去」，事主則回應：「香港有兒童牙科保健，唔建議返內地做。」

網民反應兩極，有人認為「真係好抵」，有人則認為「更加令人確信，真係唔係乜嘢都可以貪平」。

—-

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL

緊貼最新最快新聞資訊，請立即下載星島頭條App：https://bit.ly/3Q29Vow