現年40歲的陳柏宇（Jason）因唱功了得曾被網民封「翻版李克勤」，他與模特兒女友符曉薇（Leanne）於2017年結婚，翌年誕下女兒陳羿辰（Abigail）。符曉薇早年經歷兩度流產後，去年3月終順利誕下細女陳星晴（Audrey），一家四口幸福美滿！昨日（10日）是陳柏宇細女一歲生日，陳柏宇在IG直播一家四口吃茶記早餐，期間笑料百出，老婆符曉薇更生氣表示：「我想X你好耐…」更指：「點解嬲，因為隔離嗰個（陳柏宇）唔郁。」似乎對老公不幫忙感生氣。
相關閱讀：陳柏宇晒父女「咀嘴」片捱轟！10個月大細女伸脷狂舔爸爸 一個原因被批行為不妥
陳柏宇與老婆開火？
陳柏宇與太太符曉薇結婚6年半，多年來都是一對恩愛的歡喜冤家！昨日是細女Audrey的1歲生日，陳柏宇如常一早在IG開直播，他們一家四口在茶餐廳邊吃早餐，邊跟粉絲聊天，陳柏宇直言細女1歲性情大變，「1歲女大18變，今日1歲生日就變」。
陳柏宇衝口而出辣㷫老婆
Audrey大個女不愛束搏也不愛被別人餵食，當Audrey發現戴上生日皇冠頭箍時，立即想扯開不願戴，更郁手打家姐Abi，被打的Abi向父母扭計，此時陳柏宇說：「你做咩整痛家姐，呵番！家姐唔可以咁小氣，阿妹唔可以打家姐，今日咁開心，唔好咁惡，一個扭計，一個發脾氣，報咩仇，阿妹唔識！」，而符曉薇也說：「好似媽媽教你好多次，寶貝要做乜嘢，媽媽都講好多次」，陳柏宇教導Abi做家姐要大方些，妹妹太細甚麼都不懂，「要講好多次，好似叫你食飯都要講好多次，你都唔食飯」，接著陳柏宇衝口而出說：「最衰都係你叫佢戴帽」，符曉薇聞言即悔氣地說：「千錯萬錯都係我錯」。
陳柏宇晒親子片惹爭議？
符曉薇想小陳柏宇好耐
陳柏宇未感到激親老婆，續向老婆說忘記叫丁麵，符曉薇卻表示自己少來茶餐廳，此時陳柏宇竟然說：「你仲咩小我？」，符曉薇即回他：「我想小你好耐…」，陳柏宇又問老婆為什麼生氣，符曉薇即說：「點解嬲？因為隔離嗰個唔郁，50%都係你，（唔係），咁係90%因為你」，雖然兩人的對話甚有火藥味，但最終都只是耍花槍，床頭打架床尾和。
點擊睇陳柏宇更多家庭照：
陳柏宇與符曉薇婚姻曾現暗湧
其實陳柏宇與符曉薇的婚姻曾出現暗湧，2021年6月，符曉薇曾在IG的限時動態發長文力數老公陳柏宇，她感到委屈，直斥不懂珍惜二人關係，更明言好想離家出走，「如果唔係因為abi我離家出走咗。好嬲好嬲你。我乜都唔要就嫁畀你，冇求婚、冇禮金、冇過大禮，仲將自己嘅金器畀晒你賣。 因為我一路覺得你值得，值得我乜都唔要，淨係要你，我以為你都係咁，你會珍惜我，點知聽到原來我畀咁多壓力你，嗰刻真係想離開。不過算啦，大個女㗎啦，過咗就算，希望以後就算唔稱讚，都唔好踩到一文不值。」一度被以為想離婚，之後陳柏宇道歉認錯，亦寫了一篇長文向老婆道歉，坦承自己沒理會太太感受，不懂尊重對方，說話不經大腦、用語苛刻及永遠覺得自己是對的心態，統統都需要改變。及後陳柏宇獲老婆寬恕，符曉薇後來也很快刪掉批評老公的千字文。
其他文章：
陳柏宇送度蜜月所買古董望遠鏡給粉絲 安排妻女到酒店Staycation過聖誕
獨家丨陳柏宇被網民叫退休：退唔退都唔關你事 初出道保形象唔敢認同裕美拍拖
陳柏宇遠離電子產品唔知日本地震 呻5歲大女食飯唔專心食足兩個鐘
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
