現年29歲、有「拜金港姐」之稱的蔡嘉欣月初與拍拖七年的富貴老公Derek舉行婚禮，當日蔡嘉欣穿上裙褂出門，頸上掛有一條巨型豬鍊，手上則戴上四對龍鳳鈪；蔡嘉欣在婚宴上，穿透視晚裝晒約4卡巨鑽婚戒，貴氣逼人！新婚人妻蔡嘉欣昨日（11日）與網民玩你問我答，網民最關心的當然是生育問題，但蔡嘉欣竟然因一個原因而未有考慮！
【相關閱讀】：蔡嘉欣結婚丨「拜金港姐」蔡嘉欣榮升人妻！跟傳統儀式出門 金器晒冷龍鳳鈪份量驚人
【點擊重溫蔡嘉欣結婚相】：
蔡嘉欣表示今次婚禮花費近百萬，整體感覺既浪漫又溫馨，不過最令人難忘的，除了身上閃爆的首飾外，當然是娘子化身為「蔡佳音」在婚宴上獻唱，雖然魔音嚇窒全場，但姊妺們做足準備在台下舉燈牌支持！
新婚人妻蔡嘉欣昨日（11日）與網民玩你問我答，竟然有網民留言稱蔡嘉欣「歌藝唔算難聽」，搞到蔡嘉欣自信滿滿地說：「留意有人話唔算太難聽！」她還說：「啲觀眾覺得我5音不全，關我咩事？呢個係改變唔到嘅事實，我接受了佢，又唔係要靠唱歌搵食，唱得好難聽都唔影響啲咩，最緊要啲朋友覺得我唱歌好有娛樂性，我唱完2首大家開心，氣氛高漲，大家笑得開心，我都好開心。」
【點擊睇蔡嘉欣靚相】：
網民最關心的當然是生育問題，蔡嘉欣說：「未住呀，我覺得我們一齊第7年，結婚係一個承諾同認定，係大家互相給對方的一份安全感，但生B係一生中最最最大的責任，最好等到個玩夠先好生喇，小欣下年30歲，我仲有一啲夢想未實現！我要去追逐我的人生先，我仲要去闖一闖先。」蔡嘉欣又表示結婚前後分別不大。蔡嘉欣亦被問到有否去算命，她坦言自己每年都會八卦去聽下：「都有講我唔好嘅嘢，聽完當參考下，唔好太擺喺心，不過甶反叛的欣又會想睇吓，係咪真係會畀你講中咗。」
