大埔馬路上演一幕情侶「摑臉、叉頸、扯頭髮」的暴力場面。facebook「大埔TAI PO」昨晚（2日）上載一對情侶爭執的影片，上載者聲稱地點為大埔錦石新村村公所對開錦山路，情侶深夜時分停車後在路邊激烈爭吵。暴力男率先發炮稱「我出去搵錢，你喺度食可樂（毒品可卡因的俗稱）？」未幾雙方互有動作，女友先摑男友耳光，然後男方激動發難反擊，先後向女友動粗，使出摑耳光及叉頸連串動作後爆粗大嗌「再打呀，嚟呀，呢家你打我呀，你周圍同人講我打你嘛！」
女友不甘受辱大叫「分手」，暴力男隨即連串反擊「分咪分咯…工又唔使你返，錢又畀埋你，你喺屋企食可樂，屋又唔執…我唔係好恰呀，唔順搵人打我咯！」未幾他再摑女友耳光，女友隨即拿起手機作勢報警。
女友打電話期間，暴力男反覆質問女友「你食（可樂）個陣唔講，你夠膽講呀！」女友連續三次激動否認：「冇」直至暴力男再一次質問：「 出咗街有冇食呀？」女友突怯於對方氣場，弱弱承認：「有。」暴力男連珠發炮：「有咪得咯，聲大大同我講冇食可樂呀，畀人知道咗詐型話人哋篤你灰呀，呢個世界好細呀…我點知你做啲咩，你食可樂都唔肯認，仲有啲咩有人信呢？」
雙方爭執期間，女友一度欲離開現場走至對馬路，暴力男隨即從後扯頭髮箍頸拉回原處，女友開始哭腔放軟聲線稱「打死我咯！」暴力男回應「打死你咪打死你咯！」影片隨即作結，未有交代兩人事後如何收場。
影片上載至facebook群組公開後，引來網民熱議，亦有網民則指一旦沾染毒品，「食都食到你窮，早應該分（手）。」甚至有人聲言「（食毒品）抵打啦！同佢嘈都嘥氣。」提議男方大義滅親報警交警方徹查，不過有網民認為「2個都係黑底，唔係咩好人。」
