以打造全新女團為目標的《全民造星IV》今晚播出第七集，終於出現今季第一位Rapper，是年僅20歲的余嘉熙(Karen)。Karen一出埸就用咗一段rap嚟自我介紹，相當特別。不過Karen以一首中英夾雜，發音又奇怪嘅Rap綵排俾花姐大鬧，「我真係接受唔到呢啲係廣東話」，「你係模仿緊其他人去Rap，令你啲rap嘅發音唔係用廣東話」，「如果你唔改，繼續用啲ABC講嘢嘅方法去rap，其實無用」。
不過Karen就冇將花姐嘅建議聽入腦，佢喺最終表演以全英文rap咗首自作曲《QUEEN》，而成首rap不停圍繞「I’m the queen, call me the queen」，令花姐同兩位導師梁祖堯同許廷鏗都表示駕馭唔到rapper。不過Karen表演完自我感覺良好，指自己態度、流暢、服裝同beat都做到。最終Karen以三盞藍燈成功晉級，但兩位導師都唔想要Karen，最後由三位評判安排Karen入梁祖堯隊伍。
20歲Karen有經營自己的Channel，經常會分享自己嘅英文作品。
