男團ERROR成員郭嘉駿（193）日前到水上樂園開工，昨日（26日）在IG上載behind the scenes的片短，見他玩深谷飛瀑時個樣好驚，不但面有難色，更講埋遺言：「賺錢真係好難，以前以為好易。如果有買保險，留畀我父母啦，I LOVE YOU。同埋 希望FANS你哋將身家捐埋畀我父母。」
工作人員要求193站在遊玩設施上講對白都花了不少唇舌，還未開閘滑落水，單單站上設施上都顯得很害怕，雙手捉實不讓人把設施閂閘門。過往有睇過《花姐ERROR遊》的人，對於193玩機動設施這類玩意，肯定「知佢咩料啦」，偏偏就有人留言指就是鍾意193廢：「冇鬼用，你唔好咁垃圾啦，我會好鍾意。」
